ماعاد به لذّة ولو فيه تجديد
كل شي مُمل وماله أدناة قيمة
وقرّبت من ربي وأنا ماني بعيد
بس كنت لاهي وبـ نوايا سليمة
ياربّ صدري ممتلي بـ التناهيد
وأنت الوحيد اللي ترّد الظليمة
أبلبس الضحكة من العيد للعيد
وإلا الهدوم إشعاد لو هي قديمة !
يارب ّ وجهي ممتلي بـ التجاعيد
وعقول بعض الناس حولي عقيمة
إليا فرحت إتشح طلق الزغاريد
وإليا حزنت آموت ماشفت شيمة
إما إنّي أصغر قدّهم وأطلق القيد
وإلا إنّي أبقى في العقول العظيمة
ماعاد في صوتك إمن الولـفْ ذرّه
أكلّمك مثلك مثل باقي الناس !!
( وأنا حبيبك والحبيب يتشرّه )
لو مالمس فـ آخر سواليفك إحساس
في داخلك جرح ونثر فيك حرّه !!؟
وقسّاك صوبي وأنت خابرك حساس
يبين في قلبك إذا الحزن مـرِّه
وأدناة فرحة تغمرك دون مقياس
وأحس فيك الحين محزون مـرّه
ولا يجيني نوم لا صرت بك حاسّ
قلبي على شوك الجفا لا تجـرّه
يكفيه من صمتك بدا يشعر بـ ياس
إن ماعطيته خير ماجاك شـرّه
وإن جاه منّك شر بـ يقول : لا باس
أنا الحبيب اللي سكوتك يضرّه
سولف علي ّ وجب سوالفك بـ إحساس
لي وقت ماجرّبت منك ْ المبـرّه
ولا أهتنيها لو تجيني من الناس
مما رأق لي ولامـــــس الاحساس
كل عا م والجميع بألف خير وسعادهـ