أنتـــظر رقمك

اسعد الله جميل لحظاتكم بالخير والسرور

اليكم هذه المتواضعه

[poem=font=",7,orangered,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

انتظر رقمك حبيبي ولا جاني=وانت تدري عندك الروح مرهونه
ماتكلف نفسك تدق من شاني=وصاحبك يفداك لو تطلب عيونه
اشهدني صرت غارق بالأحزاني=وخافقي من فعلك اهتزة اركونه
وياحبيبي تغفر الهم تنساني=قلت واجب نتصل في تلفونه
بس مره! مالها عندك الثاني=الله اكبر كن منتم تعرفونه
دايمٍ بالعذر منتى ببلشاني=ليه مدري دايم تدندن لحونه
وانت تدري عن سكوتي وكتماني=وتدري انك قفل قلبي وكيلونه
الزمن لجلك يقوم يتحداني=وصاحبك مثل الجبل ما يهزونه
منك جتني يابعد كل خلاني=ضيقةٍ بالصدر يازين مدفونه
ساير اسمي والوفاء دوم عنواني=والبحر سبّاحته تتقن فنونه
من بغاني قمة المجد يلقاني=والثقه بالنفس لاشك مضمونه
السطاره ملك جدي وميداني=وكلمتي بين الرجاجيل موزونه
المقفّي يطرده كل خسراني=علّها ما ترجع ان قفت ضعونه
دام قلبه رايق وشد رضياني=علّ طبلون الشبح كل طبلونه
صاحبي لا تضيع الحب مجاني=والمواثيق القديمه تناسونه
الغلا سلعه ثمينه وتزهاني=وتعجز كبار الهوامير يشرونه
انت لي من بدة البيض نيشاني=صوّبك قلبي ونيشن ع هونه
القصيده من كلامي والحاني=غنّها يابخت حرفٍ تغنونه
[/poem]

دمتم ع خير
اخوكم
ساير الخريصي

الموضوع الأصلي: أنتـــظر رقمك || الكاتب: ساير الخريصي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات