هو عبارة عن صينية دجاج بالحمر بالبطاطس واللي مايعرف الحمر اسمو التمر الهندي
المقادير
حبة دجاجة مقطعة ارباع
حبة كبيرة بصل او حبتين وسط مقطعة جوانح
ملعقة اكل ثوم مهروس
بهارات(نص ملعقة اكل كمون ونص ملعقة اكل كزبرة ناشفة و ملعقة شاي فلفل اسود وملعقة شاي هرد (كركم) رشة هيل ورشة زنجبيل مطحون ورشة خولنجان )
ملح -حبة ماجي
حبتين طماطم وسط مقطعة صغاااار
ملعقة اكل صلصلة
نص كاسة حمر واللي مايعرفو هو التمر الهندي انقعيه قبلها في مويه وصفيه
حبتين بطاطس كبيرة مقطعة حلقات ومسلوقة نصف استواء
الطريقة
اول خطوة كشني البصل مع الزيت لحد مايذبل
بعدها ضيفي الدجاج والثوم وقلبيه مع البصل
بعدها ضيفي البهارات كلها وقلبي الدجاج مع البهارات تمام
وضيفي الطماطم والصلصة والماجي والحمر والملح
نضيف شوي مويه ونخليها تنطبخ على النار تتسبك لا تنسي تذوقي الملح وشوفي الحمر حموضتو تناسبك او تحبي تزيدي انا عن نفسي احب احط ثلاث ارباع كوب
ناخذ صينية البايركس و نرص فيها البطاطس لا تنسي تسلقيه نصف استوا
وبعد مايستوي الدجاج رصيه في الصينية فوق البطاطس وصبي عليه المرقة وخلي خلطة البصل فوق الدجاج تطلع روعة لما تتحمر
دخليها الفرن ولعيها اول من تحت وخليها عشان البطاطس تستوي بعدها ولعي من فوق عشان تتحمر بعدها خرجيها من الفرن
ودا شكلها النهائي
ودي سفرتي بجانبها الرز الابيض والخبز والسلطة
المرقة بالتغميس رهيبة تجنن لا تفوتكم الصينية دي جناااااااااان
وبالعافية عليكم
العضو الأكثر نشاطاً هذا اليوم 
العرض الشجري
