| | - اختنق صدره وفك / لخنقته كل . . . الزراير ! | |

[ALIGN=CENTER][TABLE1="width:95%;"][CELL="filter:;"][ALIGN=center]

_












شفني باطراف المدينه / اشعل افواه السجاير
............................ طفل يتسكع حنين / ويحتظن صمت المدينه !

شايل بيده رساله / تحتري صوت [ البشاير ]
............................بعد ماذاق الهوان . . . وبعد ماذاق الغبينه !

يرتشف [ جرح الغياب ] / وعينه تهل العباير
............................قلّب اوجاعه / فراق وهزت الذكرى .. حنينه

فوق ارصفة الشوارع / يلمح بعينه [ مناير ]
............................يبتسم مرات لكن : تجرحه ذكرى . . . دفينه

يامناير من غيابك : يسكن الحزن / الضماير
............................يامناير ضاع بعدك / [ طفل كنتي تحتوينه ] !

العبت فيه المواجع . . عاش وقته في خساير
............................ماحسب جور الزمان وصارت افراحه حزينه

يا مناير من رحلتي : صارت ذنوبه / كباير !!
............................يلعن الوقت ورداه . . . ويلعن البعد وسنينه

يسأل الليل / ببرآءه : هو انا وشلون صاير ؟
............................وليه انا لأوجاع وقتي صرت ياليلي / رهينه !

يحتضن صمت المباني / وينضر لوجه العماير
............................يحتري [ نور النوافذ ] تبعث .. بقلبه سكينه !

يمشي بدرب المدينه في حرا : عابر / وزاير
............................خطوته صيحة غريقِ يلمح بعينه . . . . سفينه

كان في قربك بـ آمان وصار من غيبتك ثاير !
............................حالته صارت غريبه / مو مثل [ ماتعرفينه ]

[ يرسم الحلم ] بيديه : وينكسر والحلم / باير !
............................كان يحلم كل ليله . . . في [ امل انك تجينه ] !

الغياب أرهق شعوره / ظالم غيابك . . . وجاير
............................يكسر بعزم الهقاوي / وكسرة الهقوه .. لعينه

تاه من ظلم الليالي / دار في صمت . . الدواير
............................بعثر [ الوقت بحياته ] . . . ولا له الا الله يعينه

يمشي بخطوات خوف .. وجاهلا دربه / وحاير
............................يستظل بعز ليله . . . تحت [ غصن الياسمينه ]

يكسر [ الغصن بيمينه ] ويرسم قلوب ودواير
............................والثرا يحظن دموعه . . قبل تمسحها / يمينه !

اختنق صدره وفك / لخنقته كل . . . الزراير !!
............................ياعسى الضيقه / تفارق صدر كانت له سجينه

يرتعش شوق وحنين / وخافقه بالدم .. فاير !
............................صاح من حر الفراق وهز هالشارع / ونينه !

وسار باطراف المدينه / يشعل افواه السجاير
............................طفل ضايع بالمدينه / كان يبحث عن مدينه !!


.
.

صُبآآحكمْ ششُعرْ وجنههْ
مُصآآفُحههْ جِديدهْ لـ " شُآآعُرْ مُدهُشْ فِيْ حُضؤرهْ "
مآهُرْ العآيدْ .. آتمنىْ آنْ تِرؤقْ لكمْ مِثلْ مآ رآقُتْ لِيْ حدْ ثُمآلههْ

[/ALIGN]

[/CELL][/TABLE1][/ALIGN]

الموضوع الأصلي: | | - اختنق صدره وفك / لخنقته كل . . . الزراير ! | | || الكاتب: " آلـ جــود " || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات