أعطني حريتي ..(( بس )).. لاتطلق يديّه

[align=center][tabletext="width:100%;background-color:black;"][cell="filter:;"][align=center]

بعض من ماكتب
الشاعر/بركات الشمري

لا ظميتك أشربك واظماك أكثر

وإن فقدتك ..
أتبعثر..
واتبعثر ..
واااتبعثر
تذكرين وإلا نسيتي ...
يابعد حيي وميتي
يوم أشرتي على قلبي وقلتي لي ...سؤال ؟؟
((( هذا بيتي )))....؟؟؟؟!!!
يومها غنيت للصبح
الأغاني
يومها زفيت للشوق
الأماني
تذكرين ....
يوم جيتي تسألين
عن طفل يسكن ضلوعي
كيف حاله .... ؟؟؟
وش جراله ...؟؟؟
وانا جاوبتك..." حزين " !
في بعادك
لملمه ذاك الشتات
حي لكن أغلبه
يابنت ..... ماااات
تذكرين المزهريه !؟
يوم جبتيها ...هديه !؟
وأنتي قلتي :
" ياحبيبي هذي لك ..بس أنت ليّه " !
واذكر إني بلا شعور
قلت
واشواقي تفور

أعطني حريتي ..(( بس )).. لاتطلق يديّه !

للحلـم ابرقـا ! دام حلمـي رقـانـي

وللمجد ابصعد سلّم الصبـر ... وارقـاه

ماهمنـي لـو قيـل : شاعـر أنـانـي
أو قالوا إن اغروره .. اليـوم .. أعمـاه

الله عطانـي .. واحمـد اللـي عطانـي
وكل ٍ يحمد اللي من الجود .... اعطـاه

لا ماكتبت الشعـر .. قصـدي الغوانـي
لا ماكتبته .. قصدي المال .... والجاه !

ولاجيـت ادور للحقيقـه .... معانـي
جيت اكتم بصمتي ... سخافات الافـواه

وإلا عليه اليوم ! .. مـا الله حدانـي
هو ابتلاني لين ماصرت ...... بلـواه !

حشّمت راسه عن حديـث ... الطمانـي
وعزيت شانه يوم غيـري .... تبـلاّاااه

مرات احس الشعـر .. غلطـة زمانـي
وإن غاب لجّت هالحنايا ... تبي مـاه !

لولاه قلّي ويـن ..... ابلقـى الأمانـي
بالله .. قلّي .. ويش أنا اليوم لولاااه !؟

بي جرح .. لامنه برانـي ... برانـي
يحطب أمل صبري .. من اقصاه لاقصـاه

وشلون ابلقى للسعـاده ...... موانـي ؟
وانا مثل م تشوف .. مخلوق .. لـلآآآآه

الموت وينه ؟ ليت موتي ... خذانـي
تعبت انا اسأل .. وين هالوقت ... وداه !

تعال فتّش عن سجيـن .... المحانـي
واليا لقيته ذكّره بس ............. بالله !

إني عطيته .. دمعتينـي ../.. حنانـي
واني وهبته ... من جنوني .... معانـاه

وقله مدامـه راح عنـي ... ونسانـي
مثله بسوي ! ... ببتعد عنه ... وانساه

وخله يعد اليـا رحلـت ..... الثوانـي
وخلّه يموّل صح .. لاغبت / .. ويلاااه !

واذا يبي موتـي .... دخيلـك ترانـي
مثله أبيه ! ... وعلّني بس ... ألقـاه !

وقلّه غديت اليـوم .. إنسـان ثانـي
شاعر جريح ... وكل هالناس ... تقـراه

وما كل شخص ٍ .. لاقراني .. قرانـي
ولاكل حلم ٍ مرني ..... أطلب رضـاه !

ولاجيـت ادور للحقيقـه ... معانـي
جيت اكتم بصمتي ... سخافات الافواه !

إنكساره !!!
لو تبي ... قول إندثاره !!!
حزن أسود
من يمينه // من يساره
آه والمسكين قلبه
في وهم هم الزمان
ينتظر قلب ٍ يجي ياخذ بثاره
طاح حلم ٍ كان يبنيه فـ خياله
عزتي له !!!
حالته ياخوك ... حاله
لاتلومه
ضاع منه راس ماله
وش كثر يتعب..... وهو شايل فـ قلبه
ضيم أصعب
مثل طفل ٍ ... فارق امه ..
من يضمه ؟؟
من الشتات .. منهو يلمه ؟؟
من يعزي ميت ٍ في ثوب حي ..
إنزوى باقصى الظلام ..
ينتظر للنور ..... ضي
أسمعه يصرخ :
أنا من وين أمشي ..
والسهر نايم برمشي ..
مسكين
ماأقسى لحظات انكساره
كل هذا ..
وراح يبحث .. فـ الليالي

عن نهاره !!!

راقت لي واتمنى ان تعجبكم

محبكم
عقاب الاسلمي
.
.
[/align][/cell][/tabletext][/align]