ياطول صبر الذي صبره وصل حده

[poem=font=",6,orange,bold,normal" bkcolor="black" bkimage="" border="double,9," type=2 line=0 align=center use=ex num="0,black""]



يااهل الجمايل رياح الوقت مشتده=وجمايلي في ربيع العمر مافاده
عيني تشوف الجفى والعذر والصده=ولو زاد ثقلي عزوم الربع مازاده
ياطول صبر الذي صبره وصل حده=قدام ضابط هل الطولات وافراده
طالت حبايل دهور الوقت وامتده=والغيث ما لاح لي برقه ورعاده
يابعد طيب الذي بالطيب ما وده=تبلش بمصدار قالاته وميراده
لو هو من اللي تطيب وتجزل المده=وسليل قوم تنوش الغيم بأمجاده
عز الله اني خسرت وضاعت الكده=والحال عادت لنقطة يوم ميلاده
امست دروبي بوقت الضيق ملتده=ورمح المهونه بجوفي يطرق اوتاده
وغير المعزه سليل الطيب وش نده=ما عاد يرجي هوى سوسن ولاغاده
ولو كان مثل الذي عقله على قده=ظن المصايب تبي بلواه وعناده
بس التجارب تفيده ساعة الشده=واللي جرى في زمان آبآه واجداده
نصف المصايب من اللي ناعم خده=ريم بوسط الضماير يقدح زناده
تلعب على الخافق اللي بايح سده=وعزي لمن يرتجي عهده وميعاده
وباقي جروحه من اللي هافي جده=وارباح رفقة ردي الخال لاعاده
يصبح مثل طير ابن برمان بالهده=اللي رمى الداب الاسود فوق صياده
العقل ينذر على هجمات مرتده=والقلب ماطاع عين العقل وارصاده
واصبح فريقي يدافع والهواء ضده=وانهار قدام ضغط الخصم واجهاده
واليوم حالي على التسليم محتده=وقبلي رجال رضت بالظلم وانقاده
[/poem]