يانجم ياللي في سنا المجد ساري
مكانتك من بين المخاليق قمه
فيك الوفا هدأج كالنهر جاري
فيك اعتزاز وفيك نخوه وذمه
كم واحد مضيوم هل العباري
جالك وعود منجلي كل همه
فتحت بابك طيب والكل داري.
للي حداه الوقت والضيم خمه
كفك صقر واندئ المكارم حباري
مضرين كفك بالاندئ تلمه ¤.
لو منت بالوقفات يانجم ضاري
ماكنت يانبرأس رجل المهمه
بحر الثقه خلاك فوق الصواري
مثل العلم كل بعينه يزمه
وإن عانقت عزمك هبوب ألذواري
تبقى جبل مسبور من كل يمه
واللي يجي شرواك لو كان عاري
تكسيه من طيبك وعطفك يضمه
لك منزله متعليه بأسم ساري
شاعر وأبو المعنى وخاله وعمه
عطرت قافي يأسليل الحراري
يامزبن القاصي وياذخر آلامه
يانجم ياللي في سنا المجد ساري
واللي سواتك كل خيرن يتمه
شعر رافع بن حاضر الشمري
العضو الأكثر نشاطاً هذا اليوم 
العرض الشجري
