لاتلبسين الثوب العلاّق تكفين ... أمي وأمك قبلنا مالبسنّه ..!

يابنت بعد الستر صْرتي تعــّرين ... لاهوب ذا فرض ولا هوب سنـّـه

لاتلــبسين الثوب العلاّق تكفين ... أمـــي وأمــــك قبـــلنا مالبسنـّه ..!

كانــك بتقليد الخواجه تبــاهين ... وراك يـوم الحشر نـــــــارٍ وجنــّـه

وان كان ذي موضـه ! تراكن مساكين ... الكــافرات لباسهن تلبسنـّـه

لبــسٍ عليكــن مثـل لبس المجانين ... متقطّـع حتى الظــهر بان منـّه

الكاســـيات العــاريات (......) ... ياويــــلهن مــــن شــي يواجـــهنـّـه

جداتـــنا باقــي صداهـن لهالحين ... الكــــم لا منه قصـــر طـــولــنـّـه

لا ما لبسن لبــسة "ديانا ونادين"... والســاق مثل "كلوديا" ماكشفنـّـه

ترى الحـلا ماهو بكشف الكراعين ... ولا هو بكشف الصـدر ياللي تبنـّـه

ترى الحــلا بالستر بس الستر ويـن ... دام اللبــاس الفــــاضح تؤيـدنـّـه

لاشفتهــن بالعرس مثل الشياطين ... حتى الشعــر فـوق الاذان جْـبَعَنـّه

ماالــوم انا من عندها نقص بالدين ... ألـــــوم زوج خـــيـّب الله ظــــنـّـه

يمشي وراهــا مثل مشي البعارين ... لمطـــارد الموضــه معاها تقنـّــه

وليــا نصحها قالت: اسكت وبعدين ... وإن ما سكت في كف يدها تصنـّه

غصـــبٍ عليه .. الحُبّ فوق القوانين ... لاتحــــترم رايه ولاَتخـــاف مــنـّه

الجَيب فـــــاضي بعْد جمْع الملايين ... بنــــات حَــــوّا ضاعــــن وضيّعَنّ

***

راقــــت لي

الموضوع الأصلي: لاتلبسين الثوب العلاّق تكفين ... أمي وأمك قبلنا مالبسنّه ..! || الكاتب: أ ذ كـر اللـه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

الكاســـيات العــاريات (......) ... ياويــــلهن مــــن شــي يواجـــهنـّـه

انتقاااااااء رائع
سلمت وسلم من قالها

الله يرحم من ماتن وهن مالبسنه
وصح قلبك وكلك ولسان شاعرها
تقديري

لوانه على لبس العلاق كان هانت


البس الان اصبح مخزي عري في عري اللهم نسألك الهداية لنساء المسلمات المتبرجات

صح لسان من قالها وسلمت انامل من نقلها


شكرا لك وبحجم الكون


احترآمي

بارك الله فيكم ومن خيره أعطاكم

واسأل الله الهداية للجميع

إنتقآء جميل
سلمت

يسلم يمنـآك على هالانتقاء الروعه
بجد ابدااااع وفن باختيارك
ربي يسعدك ..

أختيآر آكثر من رآآئع
سلمت أنآملك لطيب الآختيآر ,,

يعطيك العافيه
انتقاء جمميل
لاهنت

اللهم نسألك الستر والعفاف لبنات المسلمين
انتقاء جميل
سلمت وسلم الاحساس

جزاكم الله خير
ويسر الله أموركم وفرج الله كربكم