بداية عام

اجواء غير / وبرد وغيوم وامطار !
بشرى بداية عام . . . جاب التباشير


ريح المطر وقت الشتاء عطّر الدار
وغنى الشجر وقت المطر للعصافير


الجو بارد . . والشتاء بالوله / زار
وانا على جال الحطب ماني بخير !!


برد الوله مايدفي . . بمعطف ونار !
له بالمحاني : ونة ٍ صوتها / غير


مرت سنه بغيابها . . والحزن بار !
كني ابوه ويحضنه . . . دون تقصير


اثر الليالي . . حزنها حيل / جبّار !!
هي فرقتنا . . والقدر / واقع يصير !


وحشتني ياللي معك . .كل الأسرار
شوف المطر / ينبت بصدري نواوير


مابلتك قطرة مطر . . شوقها حار !
هذا اشتياقي . . والمطر شوقه يثير


كل الجوارح / ثايره . . والوله ضار
وعصفور صدري بالقفص ناوي يطير


انضر لوجه الغيم ثم شوف وش صار
تلقى عيوني تبكي / بدمعها . . مير !


افتح يدينك واحضن احساس الانظار
لم الدموع اللي لها 1000 تفسير !


مبشع غيابك / بس ياقو . . . الأقدار
وقلب العنا : هيجن وغنا [ مقادير ]


تعال غني للمطر . . بعدنا / جار !!
بقلوبنا . . . لو فرقتنا / المشاوير !!


خليتني مرمي على جال الأشعار !!
واصبحت شاعر صفقوله جماهير !


وكل حرف غنالك من الحزن ينهار
والله وكيلك خنت . . . كل التعابير !


جانا المطر وغيابك / يزيد باصرار
ومال المطر في غيبتك .. أي تأثير


وحيد وامشي بالمطر تحت الاشجار
ومع كل قطره انحرق شوق وأغير !


اجواء غير وبرد وغيوم . . وامطار
وانا وحيد . . بغيبتك ماني / بخير !!

نص أنيق
وأنتقآء كــ المطر
أرويتنآ بهذه اللوحه الشعريه الجميله
دآم حضورك وعطآءك الرآئع يآ قدير
ودمت بكل الخير,,,

ياهلابك أختي وشاعرتنا الراااقيه
على النيه شرفتي منقولي ربي يرفع قدرك ويسعدك في الدارين سلمتي ولاهنتي

أجواء غير وبرد وغيوم وأمطار
وأنا وحيد بغيبتك ماني بخير
،
يسلمك ربي شاعرنا الانيق
على دي الذائقه المميزه والجميله
الله يسعدك دوم خيو ولا يحرمنا ابداعك ،

هلابك أختي وتم
مرورك عذب ربي بسعدك بالدارين سلمتي ولاهنتي والله يرعاك

الله عليك ياساحر الشعر
ابدعت في هذه المعزوفه

برق البروووق
أسم ماركة مسجلة للابداع والجزاله
نص تتقزم أمامه الحروف الابجديه ويقف التعبير حايرآ امام هذا الابدااع
لله درك ارويتنا شعرآ وجزاله هذا الصباااح
لاهنت على هذا التميز في الطرح والفكر


صح لسانك ملاييييييييييييين


لك كل الووود

:
:

صح لسان قايلها وتسلم يمينك
أهنيك على اختيارك العبق لاهنت

:
:

تمتلك ذائقة متفردة ي رائع
حروف ذات معنى دافئ ومميز
ما أجمل تواجدك وتواجدك ي مُترف
شكراً لك وكثيراً

الف شكر حفيدة الطيب العنود
مرورك واطرائك مثلج للصدر
دمتي ودام حضورك المميز الله يرعاك أختي

الف شكر لحضورك أختي الكحيلة سلمتي ولاهنتي
وربي يرعاك

الروعه حضورك
اختي الفاضله رواء
سلمتي وسلم أطرائك يافاضله