فياض الربيع

بسم الله الرحمن الرحيم

دون عقم الحدود وفي فياض الربيع
كل من ضاق من جو البلاد نحره

رزق ربك بلآ منه هبه للجميع
عد الاعشاب حمداً للولي واشكره

يالله انك تشَّبْع كل بطنن جويع
وترزق اللي يبي ستره وكيل شهره

الله اكبر كبار السن مع كل ريع
كل شيخٍ مثل قوس الرماة ظهره

ليه ياعازت الايام وش هالصنيع
الوقار يتعثر بالشجر وصخره

فوق محفارته يبني عظامه وجيع
دوب يقدر يدنق للكماء يحَّفره

يعتزي يوم ينهض بالقديرالسميع
ينطق الفقر بعيونه وفي مظهره

يجني الفقع ماذاقه ويرجع يبيع
ويذبحه سومة اللي عذربه وحّقَره

لجل حاجة عجوزن له وقوت الرضيع
ساج هرِم القدم لوالعيون اصّغَرَه

ياعليم السراير باب رزقك وسيع
يكسرالعظم فقره وانت من يجبره

سد حاجة مثل هذا بجاه الشفيع
عندك الحق والميزان والمحبره

شعر/متعب بن فارس بن طواله

الموضوع الأصلي: فياض الربيع || الكاتب: متعب بن طواله || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

صح السانك شاعرنا
وربي ما يحرمنا من جديدك
دمت بخير

صح لسانك وعلا شانك
قلم متميز بنثره وفكر صااحبه
لله درك اخوي متعب

الشاعر القدير/ متعب بن طواله



صح لسانك وتسلم يمينك ع القصيده الرائعه والجزله



انقى تحيه

ياعليم السراير باب رزقك وسيع
يكسرالعظم فقره وانت من يجبره

سد حاجة مثل هذا بجاه الشفيع
عندك الحق والميزان والمحبره

اللهم آمين
أبيآت جزله من راس جزل
صح لسآآنك حتى الرضآ يآقدير
وسلمت يمنآك ,,,

متعب بن طواله


صح لسانك وسلم بنانك ولا هنت

ابدعت بهذه الرائعه


تحيتي ...