يالله برزق مالحد فيه منه

راقت لي ونقلتها لكم


يالله برزق مالحد فيه منه
ينسي المحتاج وش كان محتاج

ويا الله بمحتاجٍ لياسِد عنّه
يذكر مواقفنا بدعوه وهو حاج

يالله بقافٍ يطلع الرزق منه
مثل مايطلع بالسماء النور لانباج

الليل موحش والعرب مستكنه
واللي يبي له درب ماعين سراج

لله فرض و للنبيين سنه
وللطيب درب وللرجاجيل منهاج

كنت احسب إن الناس للناس جنّه
واثر القلوب لبعضها صالي الصاج

وا وجهي اللي ما لقى من يحنه
من منة العالم ومن بعض الاحراج

يا صاحبي لك صاحب خاب ضنه
اثر المثاليات تمثيل و اخراج

واللي بنا الأبراج وده وكنه
يصير معلم في البلد مثل الابراج

لو كان يلبس تاج لا يحسب انه
محمد السادس ولو يلبس التاج

حنا نعرف الطيب ونعرف انه
هراج ابن تسعه وتسعين هراج

وحنا نعاف اللي يجي فيه منه
لو كان عد للعرب مثل هداج

يا لله برزق ما لحد فيه منه
ينسي المحتاج وش كان محتاج

و يا الله بمحتاجٍ ليا سِد عنّه
يذكر مواقفنا بدعوه وهو حاج

*الشاعر ... فهد الصعيري

الموضوع الأصلي: يالله برزق مالحد فيه منه || الكاتب: جنون الشوق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

يا لله برزق ما لحد فيه منه
ينسي المحتاج وش كان محتاج

و يا الله بمحتاجٍ ليا سِد عنّه
يذكر مواقفنا بدعوه وهو حاج


اللهم امين يارب
تسلم على اختيارك جنون الشوق

اشكرك على هذا النقل المميز والفكر الراقي وصح السان شاعرها والسانك تقديري وحترامي

انتقاء جميل جدا سلمت يداك شكرا

اشكركم على المرور الطيب
طابت ايامكم

دمتم بخير وعافيه

مشكور اخوي قصيده فيها دعاء روعه

اختيار موفق
سلم الفكر