قصتي مع عمتي
هذا سلمكم الله
شريت جهاز عشان ادخل النت وخليت القديم تحت
المهم ان يوم من الايام
اضافني ايميل ماعرفه
وافقت وقلت منو انت قالت انا بتعرف وسوالف شوي قالت المهم اقدر اشوفك بسوق
قلت طيب وين قالت عند الالعاب بالسوق قلت طيب بنشوف نجرب .
يوم جيت بمشي للوعد
واحصل عمتي عند الباب واقفه
قالت اسمع وانا عمتك يامنيذر ابيك توديني اليوم للسوق
وش سوقه قالت برزان ابيه شوي
قلت ليش ياعمه سوق برزان وش فيه مافيه ابو ريالين اوديك غيره
قالت مهوب شغلك
والله اني صابني الشك انها الي واعدتني بس قلت مستحيل
يمكن صدفه
قلت طيب شتبين فيه السوق
قالت
ابروح اشتري شراب العائله <<<< تحسب هذا احدث صرخه
قلت تامرين امر
يوم وصلتها قالت انزل معي وانا عمتك
يوم نزلت قالت يالله رح للالعاب مهوب انت تبي نتواعد هناك
قلت افاااااا ارخووو ابوي بقلبي
وقفت وفتحت افمي ست امتار من الاستغراب وشلون عرفت اني انا اللي اكلمها
قلت عمتي وش العابه
قالت انا تراي الي اضفتك يالهيسس الاجررررررب
ماتستحي انت يابا البنات يابا المواعيد
ومهاوش قلت اص طيب عيب العالم
عمتي تعالي
اجل خلينا نرجع للبيت مانبي فضايح
يوم رجعنا ماعاد لي وجه اروح لغرفة عمتي وعقالي بالسوق ناسيه طايح
وحالتي حاله والجبهه تصب عرررق وامسح بشماغي وطاقيتي
لااااااااا
وعلى بالي ذهين وصرت دلخ وعمتي اذهن مني اجل لو اصير بعمرها وش يصير لي الله المستعان
واخذ عصا مكنسه واربط فيه فنيلتي البيضاء وانزل من غرفتي رافع راية الاستسلام لعمتي واتطلبها اخر مره اواعد احد ...
القصه هذي من نسج الخيال
وكبارنا تاج روسنا
لاتحقر أي كبير بالسن وتقول مايفهم التطور والتكنلوجيا تراهم يعرفون اشياء انت ماتعرفها
العضو الأكثر نشاطاً هذا اليوم 
.gif)
.gif)
العرض الشجري
