وشيخان الجبل تسمع هديره ((العلي ))

(((العلي حكام الجبل ثلاثمائة عام)))

عائلة العلي من الجعفر من عبده من شمر عائله كريمه معروفه في حائل وفي غير

حائل وقد حكموا جبل شمر زهاء ثلاث قرون وكانوا من اوائل من تبع الدعوه السلفيه

لتصحيح المعتقد في الجزيره العربيه مع الامام محمد بن عبدالوهاب00

وقد اشتهر من هذه العائله الكثير ولكن اشهرهم:

1- محمد بن علي الذي حكم الجبل خمسين عاما وكان فارسا مقداما استطاع ان

يخضع اكثر مناطق الشمال مع الدعوه السلفيه وهو الان مكتوب على قبره في حائل

(( امير المؤمنين )) لما تحلى به من قوه في اظهار كلمة التوحيد رحمه الله0

2- عبدالمحسن بن علي ((السمن العرابي)) لقب بهذا اللقب بسبب كرمه المفرط

في اعاشة الفقراء والمحتاجين وكان يصب السمن صبا على الطعام في ايام الجدب

والجوع رحمهم الله00

وهم الان من العوائل التي يغلب عليها طابع التدين ولهم مقام وقيمه في قلوبنا جميعا

وقد نظمت هذه القصيده لتوضيح ذلك للقراء الكرام0000

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

انا مااضيق وسط جبال حايـل=وشيخان الجبل تسمـع هديـره
شيوخ العلي وافين الخصايـل=لهم تاريخ وامجـاد ومسيـره
حماة الدار في حدب السلايـل=هل التوحيد مع شيخ الجزيـره
ثلاث قرون ورفـاع الحمايـل=شيوخن في جبل شمـر تديـره
تهـاب سيوفهـا كـل القبايـل=وراع الظيم بالحسنـى تجيـره
ظلال الدار عن نـار القوايـل=نهورن بالجبل منثـور خيـره
زمولن ترتكـي عنـد الثقايـل=سباعن باللقاء ماطـار طيـره
ثقالن ماتجي مـع كـل قايـل=ومن ضاعت دروبه يستشيـره
عدودن خيرها بالطيب سايـل=ونار الحـرب ماتقـدر تذيـره
سناعيس اللقاء عند الصمايـل=حمولة خير خيرن وسط ديـره
بهم من صارت فعولـه مثايـل=نهر نجد العذيـه مـع غديـره
امير المؤمنين اعلـى الدلايـل=هو اسم اللي حمى حق الشعيره
على قبرن خذى شيخ العوايـل=سقاه الغيث من مزنن مطيـره
واخو خنساء شفى كبد العلايـل=امير الطيب مربـاه وسفيـره
يصب السمن يشـدى للمسايـل=ويطفي جوع من كبده سعيـره
يمينه خير مع خيـر الشمايـل=وشيخ العدل حمـاي الجريـره
مثل حاتم بضيعـات المحايـل=دفن جوع العرب في وسط بيره
مثل طيبه مـن العالـم قلايـل=لك الله كم جبر ساقن كسيـره
فخر شمر مثل وبـل المخايـل=بروقه للعرب صارت بشيـره
ومن جاء دارهم فيـه الغلايـل=سيوف العلي باليمنى شطيـره
سطام اللي يريد الجور عايـل=ولا ترقد سيوفـه فـي جفيـره
لهم في ماضي الدنيـا فعايـل=وبالحاضر تواريخـه عطيـره
وحبل العلي للنامـوس طايـل=اذا قصرت حبالن عند غيـره
ولا داسوا طواريـق الرذايـل=ولا طقوا ورى نغمـة سميـره
بهم معدال دربن صـار مايـل=وراع الميل يسقونـه مريـره
شيوخ المجد نطـاح الجلايـل=خيولن بالكـرم دايـم مغيـره
ولايطمـع بهـم راع النقايـل=هل البلسات والنفـس الحقيـره
مواقفهم غدت تشعـل شعايـل=وهبايب طيبهم تنثـر عبيـره
ولاشفنا من اصغرهـم خمايـل=وبياض الوجه بوجيه الكبيـره
اصايل طي بظهور الاصايـل=وشوفتهم على كبـدي بريـره
ولاتحصي مزاياهـم رسايـل=عسيرن وصف صافين السريره
عطاياهم على العاقـل جزايـل=وشلفاهم على العايـل خطيـره
وحكمن غير حكـم الله زايـل=ودار الحكم كـوره مستديـره
وهم صادوا من الحكم النفايـل=وعقبه شف مواقفهـم شهيـره
سلام القلـب ياخيـر الحمايـل=عدد مـاداج بالبيـداء نشيـره
ولاقلته علـى رجـوى نوايـل=ولاارجـي ناقتـن والا بعيـره
ولكن حـب راعيـن الجمايـل=شهادة شاعرن يدرى ضميـره [/poem]

تسلم يديك والله الراوي القدير
فوزا الغسلان
مافيك قصور والله
وفيت ووكفيت اخوي
اسعد الله ايامك دوم

الله يسعدك ابو فهد
برا النت وداخل النت مبدع
الله يخليك يالغالي
ويسلمك على التوضيح
بخصوص العلي

ثنائي لك والشكر والتقدير

الله لايهينك فواز
وبيض الهل وجهك
على هالمشاركه
دمت بخير وسلام

يامالا العز يافواز
ماننحرم منك ومن ماضيعك وسواليفك
عرفتنا على الكثير
من القديم والحديث

قالو تعال سولف قلت لا تكفون بروح ** بشوف ابو فهد واقراء سواليفه
ونعمين يابو فهد
على هالرويات والقصيد

[align=center]مثل طيبه من العالم قلايل
لك الله كم جبر ساقن كسيره

فخر شمر مثل وبل المخايل
بروقه للعرب صارت بشيره

ومن جاء دارهم فيه الغلايل
سيوف العلي باليمنى شطيره

سطام اللي يريد الجور عايل
ولا ترقد سيوفه في جفيره



الله الله


صــــــــح لســــــانــــــك ملايييييييييييييييييين



عوووااااااااااااااافي اخـــوي فـــواز..


امجاااااااااااادهم لـــن ننسهــــــــا ونعــــــم


بعـــــــزوتــــــي آل علـــــــــي[/align]

ونعم فيهم وفيك يابن غسلان الله يبيض
وجهك

[align=center]رااااوي الجبل

ابو فهد


بيض الله وجهك على التوضيح يالطربه


ونعم بالعلي ونعم اللابه


وصح الله للساااانك ملاااايييين يالغالي


وبعد وبعد نبي نبي سوااااالف وقصاااايد


لك احترااامي


اخوووك


سرحان[/align]

ولاقلته على رجوى نوايل 00 ولاارجي ناقتن والا بعيره
ولكن حب راعين الجمايل 00 شهادة شاعرن يدرى ضميره

صح لسانك وعلا شانك

جزلة من جزل

وآل علي يستاهلون .. هم شيوخ الجبل وشيوخنا من قديم وتالي

لاهنت يالعزوة على هالقصيدة الرائعة


تحيتي

الاخوه والاخوات اعضاء منتدانا الكريم000

لقد اطلعت على تعليقاتكم الكريمه وتشرفت بمروركم النبيل يالعزوه00

اشكركم جزيل الشكر على مشاعركم الكريمه والغاليه00

تحياتي العطره لكم000 الراوي

الله لايهينك ابو فهد علي ما اوردته لنا

وبيض الله وجهك