لغز(سهل جدا مايبي تفكير)((حله الجني النقاوي))

[poem=font=",6,white,bold,normal" bkcolor="green" bkimage="" border="double,8,black" type=2 line=0 align=center use=ex num="0,black""]


ديـرة الـطـيـب حـايـل قـبــل جــيــلـي وجـيــلـه=طـــيــبــه الـــيــوم والا بـالـــوقــوت الاوايـل
حـازت اكـرام ضـيـفـه مـع حــمــايـة دخـيــلـه=هــم بـراد الـلــيــالــي مــع ظــلال الـقـــوايـل
عـيـب ربـعـي صحــونـن بـالـذبـايـح ثـقــيــلـه=عـيــب افـارق جـبـالــه فـي جـمـيـع الـوسـايـل
مـن تـركـهـا سـفـيـهـن مـثــل دافـق صـمـيــلـه=يـوم عــاف الـنـجـايــب لاجــل حـشـو هــزايـل
عـنــد حــايـل غـرامـك مـايـســاوي شــلــيــلـه=والـمـحـبــه نـهــيــنــه قـبــل شــد الـرحـايـل
يـابــدور الـلــيــالــي عــز قـــوم وقــبــيــلــه=يـاجــبــالـن رواســي يـاوعـــود وفـــعـــايـل
يـاشـــوامــخ رجــالـــن كـل يـومــن ولــيــلــه=يـانــوادر طــيــورن مــنــزلــه بـالــطــوايـل
يـاجـســور الـمــراجــل يـاقـــلاع الـفـضـيــلـه=يـابحــور الـمــكـارم والـكــفــوف الـجــزايـل
يـامـنــايــر فــخــرنـا يـافــضــاه وكــفـــيــلـه=يـاذيـابــن تـهـيــلــك عـنــد قـــدح الـفـتــايـل
كـل هــرجــن ذكــرتـه طـيــب ربـعــي دلــيــلـه=لاتـحـســبــه سـوالــف قـالـبــيــن الـفـنــايـل
كـل كـيـلــن لـغـيـره نـاقـصــن عـنــد كــيــلــه=طـفــل حـايـل ومـوتـي بـيــن ظــلـعـان حـايـل[/poem]

((((اللغز السهل اللي مايحتاج تفكير))))

[poem=font=",6,white,bold,normal" bkcolor="black" bkimage="" border="double,8," type=2 line=0 align=center use=ex num="0,black""]
ابـي بـنــاتـن واضـحـات الـسـجـايـا=ومـاقـام مـنـهـن عـقـبـهـا ماتـنـامـي
اجـسـامـهـن تـلـقــاه دايــم عــرايـا=مـن دون ثـوب ولا لحـقـهـن مـلامـي
تركب ظهر رجلن شـبـيــه الـمـطـايا=والرجل في بـنـتــن علـيـهـا وسـامي [/poem]

امممممممممممممم
جاري التفكير؟؟

ابوفهد ابشرك رحت لشيخ ونفخ علي وقال ابشري انك تبين تفضخين
عوينات الغاز ابوفهد
ولاادري عنده سالفه او لا؟؟

شرايك بالنجوووم
مدري
يمكن

صباح الخير

ونعم بحايل واهلها

وش رايك بنواصيب القبر

اقتباس: المشاركة الأصلية كتبت بواسطة نورالدنيا    امممممممممممممم جاري التفكير؟؟ ابوفهد ابشرك رحت لشيخ ونفخ علي وقال ابشري انك تبين تفضخين عوينات الغاز ابوفهد ولاادري عنده سالفه او لا؟؟

هذي ماتبي لها شيخ يانور 000

حطي بالبيت مراكي او قدور لين يصيرن طول الطلحه

اللي قمزته انا يوم معركتي الشهيره مع الحنيش واذا قدرتي تقمزينها

معناه راح تفغصين لغوزي والا لا 000


وبعدين مايحتاج خطيب بعيد عندنا الشيخ عشوق الذروق وقرايتها اصليه وكاد000

اقتباس: المشاركة الأصلية كتبت بواسطة نوره الجهني    شرايك بالنجوووم مدري يمكن

اهلا بالعزيزه نوره الجهني00

وماهي النجوم يالعزوه 00 لان النجوم تطلع وتغيب

وهن مايغيبن اذا طلعن000تحياتي

اقتباس: المشاركة الأصلية كتبت بواسطة النقاوي    صباح الخير ونعم بحايل واهلها وش رايك بنواصيب القبر

[poem=font=",6,orange,normal,normal" bkcolor="black" bkimage="" border="double,8," type=2 line=0 align=center use=ex num="0,black""]
انت قـصـدك يالغلا عــوج النـصايب=واعساها فــوق راسك يالنقاوي
من صداع الراس حـطيـت العصايب=دايمن ترمي عـلـى راسي بلاوي
كل لـغـزن تـفـغـصـه والله مصــايـب=وادري انه من سبب لقم الكلاوي
لين قـمـت امشي ودربي غير صايب=لو مسكتك كان ادوحك بالقناوي[/poem]

يعنيَ صحَ علىَ النقآآآآويَ يآآآبو فهدَ