دعونا نسترجع ذكرياتنا الجميلة .. لشغب الطفولة
بكل براءتها ، ونقاوتها ، وعفويتها .... إلخ
" أحلام الطفولة "
هنا مساحة حرة خاصة لشغب طفولتك ..
هل كان لديكِ حب استطلاع وفضول ،تصل إلى تكسير ألعابك ..؟
صفاتك الخُلقية والخلقية ورثتها من والدك أم والدتك ..؟ وجبتك وشرابك المفضلين ..؟
هل كنتِ تقليدين وتتصرفين كأحد والديك أو أخوتك .. ؟
حدثينا عنها كما يحلو لك ..
1- مكان الميلاد ..؟
2- ترتيبك بين أخوتك ..؟
3- أكثر شي يزعج أخوانك منك وأنت طفل ..؟
4- من الأقرب لك أبوك أم أمك في طفولتك ..؟
5- موقف ما زال في ذهنك ..؟ ( سعيد أو حزين )
6- أعز صديق لك ..؟ ومن أي دولة ..؟
7- أصدقاء الطفولة هل مازلت متواصل معهم ..؟
8- كنت تحب تلعب مع البنات أم الأولاد .. أكثر ؟
9- أول صفعة في حياتك .. وش سببها ..؟
10- أفضل لعبة ..؟
11- أحب مكان تتنزه فيه ..؟
12- أفضل فلم كرتوني ..؟
13- هوايتك في طفولة ..؟
14- حلمك الطفولي ..؟
15- مطربك المفضل ، أغنيتك المفضلة كـ طفل ..؟
16- إذا عادت عجلة الزمن للطفولة .. ما هو الشيء اللي بتغيره ..؟
17- صف طفولتك باختصار ..؟
18- إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟
ملاحظة /
هنا مساحة خاصة لكل عضو ..
الله يعطيكم العافية .. لا أحد يكتب رد إلا بعد العضو ما ينهي صفحاته ..
بكلمة انتهى ..
شاكره لك يالغلا عالأستضافه الممتعه اللي جت بوقتها من زمان ماسولفت ودي أجيب كل اللي عندي
واتمنى اكون خفيفه وممتعه لكم
اقتباس
هنا مساحة حرة خاصة لشغب طفولتك ..
وناسه وفلله قسم
اقتباس
هل كان لديكِ حب استطلاع وفضول ،تصل إلى تكسير ألعابك ..؟
امممم عندي فضول كبير لدرجة انو احب أقلد الكبار كثير مره من المراريت حلفت الا أقلد ابوي وهو يدخن رحت لفيت ورقه
على شكله زقاره وشبيت بطرفها نار وجلست أشفط ودشرت اخوي اللي أصغر مني وصار يسوي نفسي
اقتباس
صفاتك الخُلقية والخلقية ورثتها من والدك أم والدتك ..؟ وجبتك وشرابك المفضلين ..؟
بصراحه طبعي واخلاقي كلها مثل ابوي بحذافيرها .. اما ملامحي وخلقتي كأني أمي انا الوحيده من اخواني واخواتي نسخه طبق الأصل من امي فديتهم كلهم
اقتباس
هل كنتِ تقليدين وتتصرفين كأحد والديك أو أخوتك .. ؟
ايه بصراحه انا متأثره كثير بأبوي احب اقلده كثيره من منطلق انه كل فتاه بأبيها معجبه من
جد هو مثلي الأعلى بكل شي حتى بطريقه كلامي احيانا أدرج كلمات ماتنقال الا بمجالس الرجال من كثر ماتأثرة فيه
اقتباس
حدثينا عنها كما يحلو لك
اممممممم طفولتي بصراحه ماكانت سعيده لذيك الدرجه لكن فيها نقاء ومغامرات مع بزارين الحاره
لأنو أغلب أفراد العائله كانو شباب وانا متأثره فيهم كثير لدرجة انه اذا طلعو يلعبون مع البزارين اللي كبرهم أقط معهم كأني ولد
واللي يلمسهم بكلمه أخليه يندم على اليوم اللي أنولد فيه
كنت ملسونه مررررره ل
قال رسول الله صلى الله عليه وسلم " من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"
الثالثه , وصرت اطبق الرقم ثلاثه بكل حياتي احبه هالرقم
اقتباس
3- أكثر شي يزعج أخوانك منك وأنت طفل ..؟
طولة لساني وطولة يدي
اقتباس
4- من الأقرب لك أبوك أم أمك في طفولتك ..؟
آبوي أكيد , لكن لما كبرت تغير الوضع
اقتباس
5- موقف ما زال في ذهنك ..؟ ( سعيد أو حزين )
مررره ولد جيرانا كان كبير اكبر مني بخمس سنين على الآقل بس عقله صغير راح
ورمى اخوي اللي كان عمره 6 سنين على حصى حاد
من كرهه لأخواني طبعا ولا البزر ماسواله شي .. والقهر انه تركه ينزف بالشارع وراح
ودخل اخوانه وكأنه مايدي وش السالفه , المهم جاء واحد من الجيران وشال اخوي وجابه لنا
حتى كان أبوي مو موجود وقتها وشلناه على أقرب مستشفى وسووله خياطه بجبهته وجلس اخوي يوم كامل
مايحس فينا وبس يهذي بأسم ولد جارنا .. المهم انا من عائله مسالمه جدا ومايردون الخطأ اذا جاء من أقرب جار
المهم راحت السنين وكبرنا وجانا خبر انه هذا الشخص سوا حادث ومالقى من يسعفه الا بعد فتره طويله
وجلس هذا الشخص مايتحرك سنتين والمستشفى شوهو له رجله الله يكفينا شر العقوبه
والحين هذا الشخص عمره تقريبا 30 ومالقا له وظيفه عايش كانه عاله على أهله . لاحول ولاقوة الا بالله
اقتباس
6- أعز صديق لك ..؟ ومن أي دولة ..؟
اعز صديق لي كانت اختي اللي اكبر مني
اقتباس
7- أصدقاء الطفولة هل مازلت متواصل معهم ..؟
لا بصراحه فرقتنا الدنيا , واذا كانت هناك صداقات من أقربائي اواجههم بالمناسبات
اقتباس
8- كنت تحب تلعب مع البنات أم الأولاد .. أكثر ؟
بصراحه مع الأولاد أكثر شي , لأنه شئ اجباري مو بكيفي
اقتباس
9- أول صفعة في حياتك .. وش سببها ..؟
اول صفعه كانت من صديقتي , كان سببها أفشة سري مع اني كنت مأمنه لها
اقتباس
10- أفضل لعبة ..؟
كانت المطبخ بأدواته والدميه
اقتباس
11- أحب مكان تتنزه فيه ..؟
منتزه كان جنب صناعية حائل احبه مرررره لها ذكريات روعه دايم اروح مع ابوي له حتى أذا راح يعبي بانزين ركبت معاه
اقتباس
12- أفضل فلم كرتوني ..؟
هايدي وسالي وزورو كنت اموت في هذول أكثر شي لدرجة انو يوم الحلقه الآخيره من سالي جلسة أبكي
اقتباس
13- هوايتك في طفولة ..؟
احب الرسم والأشغال الفنيه كلها
اقتباس
14- حلمك الطفولي ..؟
اكون دكتوره ويوم كبرة رفض اخوي الكبير انو أدخل تمريض وحطيت بنيتي أنه أترك طموحي أرضاء لله وخوفا من الأختلاط
اقتباس
15- مطربك المفضل ، أغنيتك المفضلة كـ طفل ..؟
كان راشد الماجد مرت علي ايام تعلقت فيه تعلق ماهو طبيعي .. والحمدلله بعد قدرت اتخلص من هذا التعلق
أغنيتي ماأذكر والله بس كانت من أشرطه أناشيد أطفال أعتقد مطلعها يقول مبروك عليك الخيا زينة بنات اليوم امي تقول هنوها بالصدق والأيمان
>> مدري احس اني لخبطتها لكن الأكيد انه كل الطرق تؤدي الى روما أقصد الى نفس المعنى
اقتباس
16- إذا عادت عجلة الزمن للطفولة .. ما هو الشيء اللي بتغيره ..؟
راح أضرب هذاك اللي ضرب اخوي وخلاه ينزف وراح وخلاه , لحد يقول قسم بالله اني ماني رجل
اقتباس
17- صف طفولتك باختصار ..؟
طفولتي كلها دروس لي وعبر ومواقف ومغامرات ونقاء وبراءه ودفاشه مخلوطه بشوية رومانسيه وكلاسيكيه
اقتباس
18- إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟
والله كان ودي بس للأسف آبوي يقول ممنوع نطلع صور محارمنا
عاد تبون الصدق ماعندي صور قسم يوم كبرت قطعتهم ماهو من زين هكا الخشه
يا هلا بشقاوة حلوووومة ..
هههههههههههههههههههه
والله حركاتك ولدنا .. وكمان ملسنة ..
الله يقويكِ يا أم الشباب :d
الحمد لله ربنا خلصكم من الجار المزعج .. ولا أقول خلص الجار منكِ .. خخخخخ
ربي يسعدك عل المشاركة الحلووووه ..
ويخلي لك آهلك وأخوانك .. ويحقق أمانيكِ ..
طفوله رائعه بكل مافيها من شقاوه وحركات ولسان طويل
شكرا حلومه امتعتينا بقراءة طفولتك الله يديم السعاده عليك وعلى من تحبين ولا يفرق شملكم
شكرا هايدي على الاستضافه
العضو الأكثر نشاطاً هذا اليوم 
العرض العادي
