اشهر ضحايا العشق في التاريخ

[poem=font=",6,orange,bold,normal" bkcolor="black" bkimage="" border="double,7," type=2 line=0 align=center use=ex num="0,black""]
قـال الــذي دايـم حـروفـه بـارعـه=كالـمـاس في عـنـق العـنود الفارعه
كـن الـورود بـروض خـده زارعه=تـالـي مواريـث الجـدود الراحـلين
قلـتـه وعـيـني وسـط ليلي سـاهـره=وريشة خفوقي في رسومه ماهـره
وصغته مثل وبـل المزون الطـاهره=لو مامعي جـنـي ولاعـنـدي قـريـن
كـم شـاعـرٍ بـيـطـار لـكـنه رسـب=من يوم صار الحكم يرجع للـنـسب
والا على كـثـر الحـلال اللي كسب=والحـكـم للي فـاز عـنـد الـمـرتكين
اللي على التصويت قـامـوا ينتخون=وياويـل نـاسٍ بالرسـايـل يرتخـون
والـنـاس في كـثـر الهـدايا ينذخون=والمال مال اللي قـعد صـفـر اليدين
ونشر الجرايـد صار للـشـله فـقـط=واللي من اشعار الذي حـوله لـقـط
وترى المجـله ماتـشـيـل اللي سـقط=والرزق للـبـيـاع عـنـد الـمـشـترين
ياطول مسرى الليل مع راع الفـقر=دامـه على بـاب العرب يزقـر زقر
وغيره قعـد ينقـر من الكيكـه نـقـر=ولاراح يسـمـح لك تحـطه كيكـتـين
وسـايـل الاعـلام تـسـتاهـل جـزى=لازم نـقـيـم لعـيـنـهـا حـفـلـة عـزى
ونجمع بها الغازي مع اللي ما غـزى=وعـقـبـه يجـي تسلـيـم درع الفايزين
والـنـاس صـارت للقصايد فـاهـمـه=ومدايـح اهل الكذب ماهـي راهـمه
ترمـيـك مـثـل اللي بالاسهم ساهـمه=واللي خفى وسط العرب يرجع يبين
لو طـال مـوج اشعارهم والا عرض=اسبح من الدوحه اليا غربي حرض
يغني عن اللي شعرهم جاب المـرض=ويازيـن قـافٍ يكشف السر الدفـيـن
لاحظ ترى الاعراب بـه سر وعـبر=ولا ترفـع الـمـكسور بالوقـت الـغبر
والـمـبـتـدأ نـوبٍ يجـيـك بـلا خــبـر=لاشافوا الفاعل مـعـه صـيدٍ سمـين
ومن يعرب وعـود الفراغه جـازمه=يـاسـرع ماتلـقـى خـصـيـمـه هـازمه
نوبٍ شروط الجـزم مـاهــي لازمـه=للي يـشوفـك ماتسـاوي جـزمـتـيـن
وترى وعـود الناس ماتمـلـى البطن=وبالسوق ماتسوى ولاخـيـشـة قطن
كان الـفـعـايل ماغـدت ترطن رطن=ما تسهر الـشـبـعان نار الجـايـعـين
واعرف ترى الفاعل يطيح بحسرته=ومن عقب فتحه راح تظهر كسرته
وبـعـض الـنـخـل مارح تاكل بسرته=لو هي حلالك يمنعك سبع العرين
وكان الضمير عن المخـالـيـق استـتـر=خله تحـت بيض الطـواقـي والغـتـر
هـذا وقـع جسمـه من الصوم وفـتـر=وهـذاك جاه الـعـيد ومن العايـديـن
ملـكـت كـنـزٍ فـي مـعالـيـقـي كمـن=لاشـك مـالـه مـع جمـاعـتـنـا ثـمـن
وكل الـبـضـايـع له مكان وله زمـن=والـلـه يـعـيـن اللي بـربه يستـعـين
والـظـلـم مـابــــه لـلاوادم فــايـده=ويكـفـيـك فـعـله بالـعـصور البايده
ونـتــايـجــه بـيــن الاوادم كـايـده=ياما قطع راعـيـه من شوف الجنـين
لاصار فـيه اثـنـيـن يجـمـعهم هوى=ولافـيه مانـع من مـعـيـشتهم سـوى
مـالـلـحـبـايـب لاعـــلاج ولا دوى=غـير الزواج بشـرع رب الـعـالمين
والـلـي مـنـعهم دون عـيـبٍ يشرحه=فهو داخـلٍ درب الـغـلاط ومسـرحه
وعن جـرحـهم يلقـى عـزيزٍ يجرحه=لو راح للـمظـلـوم عن ظـلـمه سنين
نـوبٍ يـقــول الـعـايـله مااطـيـقـهم=عـده هـو اللـي راح يرشف ريقـهم
او راح يـبـقـى سـاكنٍ في ضـيقـهم=او قـال ابـوهـم ماابـيه ولا يـبــيـن
والا خطـبـت اخـتـه وعـيـا لايطـيع=واعاملـه بـالمـثل دامـي مستـطـيـع
ومااريد اصير بعـيـنهم رجلٍ وضيع=واصبح يـبـي ثارات مع تسديد ديـن
وصارت بـنـات الجيل والله ضـايعه=هـذا شرى الـعـذرى وهـذا بـايـعـه
وهي غـصب تمشـي بالاوامر طايعه=وتقـول مكـتـوبٍ عـلـيـنا بالجــبـيـن
يامـا وقـع فـي ظـلـمـهـم قـلـبٍ بري=من واحـد قـلـبـه علـى غـيره جـري
وهـو في كبر ضـيـعة دروبه مادري=كم مات من قـلـبٍ سـبـايـبهم حـزين
مثل الخـفـاجي ذاق حـيـضان الردى=خـــلا الامـاره لـلــهـلالـيـه فـــدى
وسافر وحـارب لاجلها ضـد العدى=وعـقـبـه وقـع مـغدور برماح اللعين
وهـذا الـهـلالي طـاح بالـعهد البعيد=وضـده وقـف بالـمظلمه رجلٍ عنيد
وطاحت غـريـسـه كلها لعيون زيـد=والقتل جـاهـم من كـفوف الظالمين
ومـنهم ابـوزيـد الهلالـي له قـصيد=في حب ريـمٍ كن عـيـنه خشف صيد
يـقـفـي ويرجـع لين راح بلا رصيد=وذاق الذي ذاق الخـفـاجـي يالفطين
ومثل الدجيما سار بدروب العـفاف=وحدوه قبل الريف لوقـوت الجفاف
وذاق الغـبـيـنـه يوم سيـقت للزفاف=وبلـيـلـتـه راحـت حـيـاته دون شين
مثل النفـيـعي من كحيل الرمش طاح=يسهر على غـبـنـه اليا وقت الصباح
حـاول بكل الـمـال بـس العـمـر راح=وكـم واحـدٍ مثله وقع من رمـش عين
ومـحـمــد العـمـار وعـيـون المهــى=قصـايده فـيـها الغـبـيــنـه والدهــى
يـبــي عـنودٍ حـازت صنـوف الـبهى=ومـحــدٍ رحـم قـلــبٍ ظهر فيه الونين
والا فـهـد وش صـار للـعـجـمـي فـهد=الـلــي شـكـى حـبـه لـمـا طاح الجهد
محـروم مـن شـوفـات مـزمـوم الـنهـد=والـنـاس ماتـرحـم قـلـوب العاشـقـين
والا الـتـمـيـمــي مـات في نار الشقى=عـبــدالـرحـيـم اللي مـمـاتــه بالـنـقى
ونـقـى الـمـطوع عـقـب قـصـتـهم بقى=يشـهـد عـلـى اللي طـايحٍ مثل الشـنـين
ومن الـفـيــاحـيـن الـذي عـاش بقـطر=محـمـد الـلـي طـاح فـي حـوض الخطر
اقـفـى قـبـل يـقـضـي من الزين الوطر=وهذا قـصـيـده نـسـمـعـه فـي كل حين
وعـبـيـد من قـحـطـان غـابـت قـصـته=يـوم انـتــحـر لـلـي بـثـاره وصــتـه
نـار الـمـحــبـه والـظلـيـمـه مـصــتـه=ومـنـيــر ســاق الـعلـم للـقـلب الرهين
ومحـيـسن اللي بالـدعـيـجـاء يـنـتـخي=حـيـثــه عـزيـزٍ فارسٍ كـفـه صـخــي
ويـوم اقـبـلـت بـشراه والوقت الرخي=لـقـوه هـافـي مامـضـى لــه سـاعـتيـن
والا ابـراهـيــم الــذي شـال الحـبـيـب=وشـهــريـن مايـمـدي ضـمـايرهم تطيب
وطـاحـت شـريـفـه طيحـةٍ ماله طـبيب=وهو مات عـقـبـه يشكي الوقت الغـبين
مـثـل الولـيـعـي طاح من راس الجـبل=يقـعـد عـلى الـمـرقـاب لـيـن انـه ذبل
والـظـلــم زرعٍ خـاسـرٍ مـابــه سـبل=وعـسـى بـلاه مـن الهوى مايـبـتـلـين
واللي بـقــى مامـات بـاسـباب الـغـلا=ويخـفي بوسط الجـوف حـسـرات وبلا
وقال الـقـصايــد يـشـتـكـي جور الملا=وقافه غـدى وسط العرب قـافٍ ثمـيـن
مـثـل الـقـثـامــي دز قـافـه يـشـتـكـي=ويـنـخى الامـيـر الـلـي بحـايل مرتكي
ومـشـى لـه اللـي فـزعـتـه ماهي حكي=وذاق الـسـعــد واشعل قلوب الشامتين
وسـاكــر دعـى له دعوةٍ جت بالصميم=علـى الـذي مـاسـار بالـشـور الـسليـم
واصـبـح على الذكرى الحزينـه يستهيم=وجسـمه نحل من عـقـب مازوله بديـن
وابــن دويــرج بـالـطـواريـق اشـتـهر=بـحــرٍ طــويــلٍ قـبـــل قافه ماظــهـر
يـشـكـي صـواديف الـمـغـثه والـقـهـر=وحــظٍ عـلــى درب الـهـوى عـيا يزين
وابـيـات ابـن لـعـبـون شـاعـت بامتياز=عـقــب الحـبـيـب اللي توفــى بالحجاز
فـيــها جـروحٍ صادقـه مـاهــي مـجـاز=وصـابر عـسـى ربي يـعـين الصابرين
وكـنـعــان يـوم انــه فـقد شوفة هـيـاء=ولـقـى مـن انـسـابه قساوه مـع عـيـاء
جــر الـسـرايا مـاقـدر كتـم الـنــيــاء=بس الـنـسـابه مـاحـصل قـلـبـه يلـيـن
وابـن سـبــيـل مـن مـفـاخـر بـاهـلـه=الـلـي غـرام الـبـيـض يـثـقـل كاهـله
والـنـاس بـجـروح الـهـوى متـسـاهله=ومـن ذاق ناره يـفـهـمـه فهــمٍ يـقـيـن
وياشـيـن غـيـظ المورقي واسمه نهار=الـلـي دعـى لـه دعوةٍ تـقــدح شـرار
يـبـيـه فـي بـيــرٍ تـرك سـاقـه دمـار=وعـلـى القعود اللي جفل وسط القطين
وابـن شــريــم اللـي بـيـوتـه جارحه=سـليمان يـشـكـي مـن غـرامٍ طـارحه
والـيـــوم هــمـه فـوق هــم الـبارحه=والعـشـق لقلوب العرب مثل الكـمـين
وعـايـد ولـد سـعدي بـيــوتـه سايره=فـيــهــا غـثى روحٍ بـجوفـه حـايـره
من ضـمن مـن ذاق الـطـبوع الجايره=والعـشـق يخلف صاحبه لو هو رزين
وانا كرهـت العشق عقب اللي سمعت=دامـي بـدونـه من غـثـى الدنيا شبعت
ادعـي ولـيـي لاسجــدت ولا ركـعـت=يـفـكـنـي مـن رمـش ريــمٍ يحـتـريـن
والا فـأنـا بالـمـرجـله رجـلٍ طـنـيـخ=ولااصيح بوجـيـه العذارى طاخ طيخ
ونوبٍ اسـاعـد نور عـيـني بالطـبـيخ=ولو تطـلـبـن قـلـت ابشري باللي تبين
بـس الـهـوى بلوى مـثل بلوى الجرب=وان صـاب ذودك راح لاذواد الـعرب
يمـرض مـع انـه رايـحٍ يـبـي الطـرب=وصيده يجـي من روضهن ماهو سـمين
واخــاف اجـي بـردان ودي بـالـدفـى=ولا زاد ثـلـج اللـيـل كـهـربـهـا طـفـى
بالليل يـثـبـت وان ظهر صبحه نـفـى=واصير مـثـل اللـي يـعـايـد قريـتـيـن
وام الـعـيـال تـعــود لابـواب الـزعـل=وطـبـعـه من اللي لاوعـد غـيـره فـعل
ومـن القـراده ريـمـنـا تـصـبــح وعـل=وتـبـدى الـقـذايـف مثل حرب الرافدين
وانا اشـتـري درب الـركاده مـشـترى=ومااريـد صـوت الـرمـي قـدام وورى
ومحـدن من الجـيـران يدري وش جرى=وياويـل رجـلٍ بالـمـعـارك يسـتـهـيـن
واليـوم غـاب العـشـق وسـط اسواقها=ولايخـدعـك شـعـر الـعرب واشواقها
هـمــه مـع الـغـنـدور يقضب سـاقـها=وعـقـبه تلاقي حـبـلـها مـاهو مـتـيـن
والـبـنـت حــاذر لايـغـرك مـدمـعـه=نـصيـحــةٍ لـلـي بربـعـي يـسـمــعـه
واذنـه بـقـطـعـة طـيـن لـيـته يشمعه=ترى وعـود الـبـنـت عـمـره ساعتين
هــذي تـواريـخٍ العصور اللي مضت=من جـعـبـة الـلـي لـه بحورٍ ما قضت
والـنـاس فـي جـمـلـة تواريخه رضت=واليا حـكـى شـد انـتـبـاه السامـعـيـن
واللي شرط لاجل اشـتـغل في شاشـته=يـريــد اعــدد لــه فـضـايـل بـاشـتـه
والـلـي ربـوعـه بالـمـكـارم حـاشـتـه=ولا اخـبـر فـيـهـم بالمراجل حلـقـتـيـن
واقـول لـو طـعـت الـعـرب وخـراطها=كـان امـلـك امـوال الــذهـب وانواطها
والـنـاس تـسحـب روحــنـا بـربـاطـها=لاشـك مانـمـشـي بـشـورك خطـوتـيـن
حـنـا صحـيـح الـمـال يـنـقـص عـنـدنا=ورغـم الـقـسـى بالـبـرد يـقـدح زنـدنا
وجــنــود مـالـك مـاتـواجــه جــنــدنا=واحذر بشـيـمـات الـنشـامى تسـتـهـيـن
والله فـلاامـشي بالـردى لاجـل القروش=ولانـي مـن اللي لاكـثـر مـالـه يـشـوش
والـنـاس مـلـفـاهـا الـمـقـابر والـنعوش=ومحدن يشـيـل من الـخـزايـن درهـمـيـن
ومحـظـوظ مـن فـارق حـيـاتـه ما ظـلـم=ولايطـلـبـه بـعـض الـعـرب لو هو قـلـم
وراع الـظـلايـم مـايـرفــرف لـه عـلـم=وكـتـب الخـلايـق بالـيـسار وبالـيـمـيـن[/poem]