{ تقول مشغول وادري بك تصرفني !!

السلام عليكم



ماني بساذج .. وتكــفى غيـّر اعذارك
ولاّ انـت يعني بعينك ويش شايفني؟

أدقّ دايـم عليك .. اسأل عن اخبــارك
تقـول: مشغول وادري بك تصرّفني

مشغول وشّو وانا اللي أعرف اسرارك
واعْرفـْك جدا ..ً وأكثر ممّا أعرفني

تراني افهــم عليك .. وكـــنّ أطـوارك
تقول شكلك زهقْـت وشبْــه عايفني

إذا وجــودي معــك ما يلفت انظــارك
فالأحسن امشي.. ولا أقعد وتنزفني

يجوز لامــن مشيـت .. الحال يتـبارك
أرتاح وانسى ويرجع للكرى جفني

صحيح.. ودي في هـذا العمر نتشارك
لكنّ وضعـي معـاك الحين يؤسفني

أنا طبــاعي كــذا مــن قبـل لا اختارك
ماقـطّ وجهي على اللي ما يوالفني

إمــا تجيــني .. وداري عِـــدّهـا دارك
والاّ على الوهم .. يكــفي لا تكلفني

تعبـــت والله .. ولا يمدينـــي اتـدراك
قطـار عمــر ٍ من اول معك طايفني

قلّي شسوّي إذا استبطــيت مشـوارك؟
الصبر يفني وبعـض الضيم مايفني

أخاف باكر يجي واغـْـدي "سِنمّارك"
ومن فوق قصـرٍ بنيته لك بتحذفني

واخاف تخلـف حـلاوة جنّتك .. نارك
واموت وحدي ولالْقى مين يسعفني

شف عاد لا من بــقالي غير تذكــارك
أحَــنّ مــن هالحيـاه .. بترْبتي دفْني

فارجوك تصْدق معاي وتكشف ْستارك
مـن دون احـلّفـْـك أو حتى تحلّـفني

سؤال واحـد .. وابيــك تجمّـع افكـارك
حتى تجاوب بكلّ وضوح وانصفني

إصـرارك اول علي هو نفسه اصرارك؟
ولاّ تغيّـرت ؟.. ياخي قول واتحـفني

ومن قبـل تحكـــي تأكـّــد إن مقـدارك
ما زال نفســه .. وما زالك تشرفني

واهـمّ حـاجه .. قبـــل تبـدي تِــعذّارك
عشان تسحـب.. وللذكرى تخلّـفْني

أبيك تعرف .. وتـدرك .. إنّ مسيارك
هذا أخيـــر .. وبعَـدْها منت شايفني

( إمشْ بطريقك!! " وانا بتجيني اخبارك " ) .. ..
لاعاد اعَـرْْفك.. ولاعاد انت تعرفني !!

..



‘إهداء < لـ مجهووول

الموضوع الأصلي: { تقول مشغول وادري بك تصرفني !! || الكاتب: تائبة || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

انتقاء جميل
سلمتِ على الاختيار الاكثر من راائع ..
وشكرا لك ,,


ينقل للقسم المناسب

انتقاء رائع

سلم ذوووقك واحساسك..

انتقاء رائع

الله يعطيك العافية

تحياتي لك ..

صح لسانك وسلم نبضك

مشكورة

الله يعطيك العافية

الله عليك انتقاء مميز
ورائع كروعة حضورك هنا
منوره القم
باانتظار حضوراً مميز كهذا
دمتي بخير

السلام عليكم

شكرا لنقل الموضوع للقسم المناسب ^^
ويعطيكم العافية على الردود الزينة

حياكم الله

تسلميــــــن يالغـــلا...

ذووووق ولا اروووع..

تحيــــــــــــــاتي..

شكرا للمرور أختي

سلمت يمناج على روعةآختيارك..
كلماات بمنتهى الذوق والروعهـ..

يعطيج العآفيه يآرب ..

ننتظر منج المزيد من الروائع..

قَصيدَه رَآئِعه
سَلِمَتَ لنّآ وَ سَلِمَ ذوقك الرّفيعِ
آمتِنآنيْ ../