[poem=font=",7,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
بعض العرب ماينعطى وجه بالحيل=واليا عطيته وجه صارلك عله
وبعض العرب ماله سنع لكن حليل=بالضبط كانك لا تمعنت ظله
وبعض العرب شقرا وشقرا مع الخيل=ماينفعك لولا الرموش المظله
وبعض العرب لايعجبك ثرثرة ليل=وباكر ترى ماقالك شي لله
وبعض العرب مرسال مدري مريسيل=يساير العالم وهوحاصل له
وبعض العرب يصلخ وينفخ وهو ريل=وفي زعمه انه يفهم الكون كله
وبعض العرب ماغير بندق ودربيل=ومنين ماهب الهواء جايز له
وبعض العرب يطلع كما طلعة سهيل=ويغيب نجمه قبل دربه تدله
وبعض العرب يوذيك بالقال والقيل =تجلس معه ساعه والاخرى تمله
نذل وخسيس يفصل الهرج تفصيل=وليا لقاله طيب يستغله
وبعض العرب منظر وكشخه وتضليل =شبح بحال وحال اخرى كرله
ولاشفت زوله من خيار الرجاجيل=وليا عرفته ماتجيه بمحله
وبعض العرب لاوالله إلا تهاويل=مهماعقدت الحبل لازم يحله
قد دربوه ولكعوه الرجاجيل =من قبل لايصير الحدث جاهزله
وكانك شجاع اصحيح حارب اسرائيل =قبل اليهود القدس لاتستحله
وكلش يهون الا الثلاث الغرابيل=المهزله والمسكنه والمذله
[/poem]
هنا فقط طابع يصعب على أي أحد أن يجيد وصفه
او يسطر جمالياته آهنئك على حسن إنتقائك
وما حملته هذه الكلمات من طابع
خاص تتميز به من الروعه والجمال والإبداع
حين تنظر العيون لمثل كلماتك
التي تحمل بريقآ لأمعآ فما اجمل
جنونك حين يكون على
مرافئ النور التي يستوحيه منك
لنراه أمامنا وفقك ربي للخير دائمآ
لك وودي وباقااااات وردى وخاااالص شكري
العضو الأكثر نشاطاً هذا اليوم 
العرض العادي
