[ آلمشآركآت بـ مسآبقة آلآمير طلآل آلعبدآلعزيز آلرشيد رحمه آلله ..! ]

السلام عليكم ورحمة الله وبركاته ..
اليوم اضع لكم المشاركات لـ مسابقة الامير طلال الرشيد رحمه الله ..

شروط التصويت :
1/ يشترط للمصوت ان يتجاوز الـ 50 مشاركه ..
2/ يشترط للمصوت ان يصوت تصويتاً واحداً بـ النسبه لـ الشعر والتصميم ..
3/ ترسل التصويتات لي بالخاص ..
4/ تكون مده التصويتات اسبوع واحد فقط وبعدها لا يحسب اي تصويت ..

بالتوفيق للجميع ..

مشاركات القصائد :

القصيده الاولى ..

إسْمحوا لي بغْتنم لحْظة سُهادي
.......... المشاعر حطّمَت صمْت الحروف

جمَّعَت في سِرَّها علم ٍ وكادي
.......... وارْسلَت لوحه وْ خافيها امْعَروف

الحروف الوافيه فيني تنادي
.......... أمْطَري يا فزْعة القلب العطوف !

واسْتجابت مزْنة الهمّ الرمادي
.......... سالت اشواق الغلا من دون خوف

وازهرت قيفانها نرْجس وكادي
.......... يوم غبّات المطر جزْل الوصوف

فاضت الذكرى على ساحل رقادي
.......... واْبْحَرَت معْها من الماضي طيوف

سِيدها ما كان ابد إنسان عادي !
.......... كلْمته تخْضع لها عوج السيوف !

للهوى غنّت معه حتى الأعادي
.......... الشجر يرْقص وكلماته دفوف .. !

في غيابه سادت اشعار { الزبادي }
.......... روحها الحاجه وْداعيها الظروف

والقصيده عايشه سجْن انفرادي
.......... قلبها يبكي وناظرها يشوف .. !

يا سنا الفضه سطعْت فـْ كلّ وادي
.......... ما حجب نورك عن الدنيا كسوف !

من رحيلك والحزن ينْعى المبادي
.......... يفْتخر في موتها كلّ امْخَفوف !

ندْعي الله يجْعلَك يوم الحصادي
.......... يا طلال بجنَة الخلد امْحَفوف !

وانت ياللي يعْتري وجهك سوادي
.......... دينكم يامر على ذبْح الضيوف ؟!

زفّتَك فرحه على موكب سيادي
.......... من جناح الطير أطْعَمْت الضعوف

يا الظلوم اللي قطع بيض الأيادي
.......... والعواذل صفّقت له بالكفوف !

من يلومه لو بكى جرْحك عبادي
.......... دام ابو نوره على الحاله يروف

يوم مات الذيب واعْلنّا الحدادي
.......... طالت قْرونك علينا يالخروف !

لا تظنّ المرْجله ضغْط الزنادي
.......... ونْ ضغطْته تخْتفي بين الصفوف

الجزا لو طالت سنين التمادي
.......... عند ربك لا يضيع وْلا يطوف .. !

القصيده الثانيه :


مــل قـلـب غــدى بـيـن الحنـايـا يـلـوج
والله انــي مـاالـومـه لـ ويـزيـد النـحـيـب

صرت من لوجتـه انـوح مثـل الخلـوج
يــوم قـفـى حــواره يسحبـونـه صـويــب

جانـي العلـم ماصـدقـت كـثـر الـهـروج
قلت يمكن اشاعه من ردي النصيـب

شـلـنـي ماسـمـعـتـه والــقــدم مــاتــدوج
في مكاني ودمعي فوق خدي صبيب

اشــهــد ان الـمـنـايــا شـيـدتـلــه بـــــروج
فــي سمـانـا وصـرنـا للمـراثـي نـجـيـب

التطـم بالضمـايـر كــل سـاحـل ومــوج
كيف جرح الطنايا عقب موته يطيـب

مـات راع الطويلـه مستفيـض النتـوج
مستمـيـل الهـمـم راع الـقـلـم والاديـــب

راح واقفـت ركابـه يـوم حـان الـخـروج
مـات شيـخ الطنايـا والمنـايـا تصـيـب

وهلـت دمـوع حائـل بالمحـاجـر تــروج
صــار ينـعـي فـراقـه الـخـوي والـغـريـب

وخيـم الحـزن كلـه والتصاريـف عـوج
جعـل ربـي يعوضـه بالجنـان الرطيـب

والمشـاعـر عظيـمـه والمثـايـل تـهــوج
والـقـدر بـامــر ربـــه لاامـربــه يـصـيـب

القصيدة الثالثه :

قالوا ذبحت العيـن يكفـي بكاهـا
ياللي تهل الدمع بالهـون بالهـون

قلت البكاء بابكيه وان جف ماهـا
والله ماسمع هرجكم لـو تلومـون

ضاقت بي الدنيـا كثيـرا بلاهـا
يوم الخبر جاني من اللي يقولـون

قالو طلال اليـوم روحـه خذاهـا
مقّبض الارواح والحيـن مدفـون

ماصدقت اذني يوم انـه احتواهـا
صعب الخبر يالايمي كيف وشلون

حامت بي افكاري وعيني غشاهـا
من قوها الفجعه على الروح تكفون

تكدرت نفسـي بلحظـة صفاهـا
انشهد انه صابني ضيق وحـزون

مرحـوم ياشيـخ حياتـه نهـاهـا
عن المعاصي كلها دوم مصيـون

نسل الجدود اللـي تمـدد عطاهـا
رمز الكرم عز الفخـر مايمنـون

حر تعلى واعتلـى فـي فضاهـا
صرح المعالي همته عالي الكـون

ارض الدنس من نشاته ماوطاهـا
يحسب جميع اخطاه عاقل وموزون

فخر الشباب اللي حميـد صباهـا
قليل مثله من هو بالعـرف تلقـون

حافـظ صلاتـه ملتـزم مانساهـا
مدي حقوقه كلها كامـل الصـون

تنعـاه شمـر يجبـر الله عزاهـا
وكل القبايل في رحيلـه يعـزون

مايفقـد الا مـن علومـه حماهـا
الطيبين اللي على الطيب يمشـون

يرحمـك يالملتـاع رب الاهــا
وفي جنة الفردوس بامر الله تكون

وصلاة ربي عد ماامطـر سماهـا
على النبي الهاشمي سيـد الكـون

القصيدة الثالثه :

نبكي طلال ويبكي الشعـر قافـه
عـداعـلـى راس الطـويـلـه وهــيــد

لوراح باقيلـه مـن الشعـر طافـه
بمجـلـدات الشـعـر حـرفــه مـقـيـد

مرحوم روح الشعر رمز اللطافه
لعـل روحــه فــى نعيم(ن)مشـيـد

الشعـر بعـده كــن فـيـه اختـلافـه
كنـه بـعـد مــاراح عـايـش وحـيـد

سـمـو شـعـره بـيـن فـــن وثـقـافـه
ولـيـا سـر الـيـل الـطــواريــق ســيـــد

وهذه المشاركه الرابعه شملت قصيده و تصميم :

القصيده الخامسه :

لم أجد اجمل من مخاطبة طير الامير طلال الذي هده في رحلة مقناصة الاخيرة ولم يعد بعدها الامير رحمه الله ولا ذلك الطير الذي فداه بحياته ولعل ذلك الطير يفيدنا بما جرى





طـــيـــرٍ ربـــــــا بــجــبـــال حـــايــــل ونـــــــزّل
عــقــب الـبـطــى نــــزّل بــــراس الـرعـيـلــه

قــرنـــاس ثــامـــن بـــــه ســبـــوقٍ مــحــجّــل
نــــزر الـطـبــاع وشــفــت حــالــه هـزيــلــه

عـلـيــه عـــــرف وهـقــوتــي بـــــه مـســجــل
طـيـر الامـيـر الـلـي اختـفـى مــع دليـلـه

وش هـقــوتــك يــاطــيــر تــكــفــى تــمــهــل
نــبــيــك تـــشــــرح وش جـــــــرى بـتْــأويــلــه

شــــــد الــنــظــر يـــمـــي بـــشــــرحٍ مــكــمـــل
و اوجـــز لـــي الاحــــداث بــحــالٍ عـلـيـلـه

يــــقــــول راح الــــلـــــي بــفــعــلـــه مـــجـــمـــل
خــــذوه غـــــدر وســـــرق ولاشـــــك غـيــلــه

لــــو يــعــرف الـمـجــرم بـفـعـلـه مـحـصــل
مــــا كــــان ســــــــوى فــعــلــتــه بـتـحـصــيــلــه

والله لـــو يـــدري مـــن الـنــاس كـــم شـــل
ولـــــو عـــــارفٍ قـــــدره ومـكــانــه بـجـيــلــه

حــــــــرام مــاصـــابـــه ســــلاحــــه بــمــقــتـــل
ولا جــــاه مـــــن خـلــفــه خـيــانــه وحـيــلــه

يـا مــا ضـعـيـفٍ جـــاه ضـايــف ومـعـتــل
يــــقــــول ســــــــم ودايـــــــــمٍ مـــرتـــكـــي لـــــــــه

يالله طـلــبــتــك رافـــــــع الــــكــــف بــــســــأل
بـــعـــداد مـــــــا أتــعــاقـــب نـــهــــاره ولــيــلـــه

تــبــعــثـــه يالله مـــــــــن ذنـــــــــوب مـــحـــلـــل
ومـــــن الــبـــرد تـغــســل جــنــابــه بـسـيــلــه

ســـحــــابــــةٍ غـــــــــــرا تـــحــــوفــــه وتـــهــــتــــل
تـنــشــى عــلـــى قــبـــره بـــســـاع وتـخـيــلــه

تـضـفــي ثــمــان أيـــــام بــرضـــه تـشــكــل
مـا بـيــن عــشــب ونــبــت أرضــــه نـفـيـلـه

وفــجــأه شــلــع ذا الـطـيــر مــنــي تـمــلــل
يـــقــــول نــقـــضـــت الــــجــــروح الــدمــيــلــه

عقب الأمير أقسمت ماعود... للظل
بـقـضــي حـيـاتــي حــــوم دون أتْـحـويـلــه

حـرمـت مـانـزّل عـلـى كــف أو... تـــل
طــلال ........ والله مــا أدور بـديـلـه

القصيده السادسه :

عـسـى مـاشـر ياحـائـل وش بــك يـا أجـاء زعــلان
مــن الــي بــس ياسلـمـى معـكـر جــوك الـصـافـي

مــن الــي بــس يستـاهـل همـيـل الـدمـع يـا بــرزان
انـا خبـري بكـم حائـل بـثـوب(ن) ابـيـض ارهـافـي

وردت كـلـهـا حـائــل طـــلال ومــــات هالـسـلـطـان
ابـــو نـــواف شـيــخ الـعــز شـيــخ الـمـجــد نــوافــي

وثار من الصدى صوته وثار من الصدى بركان
ومـن بـيـض النثـيـل اهـتـز لـيـن الـحـد بانصـافـي

وطاحـت حائـل وطاحـت وطـاح الـعـز لــه بيـبـان
عقـب مـوت الشمـوخ وعقـب مـوت العـز والوافـي

وعــزاي لشـمـر (ن) كـلــه وعـــزاي لآمـــة الايـمــان
بمـوت اللـي بعـد حيـي خـذا روحـي مـن اطـرافـي

اعتذر من صاحب هذه المشاركه نسيتها سهواً فـ كل الأسف والأعتذار له ..


القصيده السابعه :

أوّاه من وين أبتدي !!
أوّاه زال الفرْح زال ..
طــــلال مــــات .. ومــنــقــتــل !!
طــــلال عن عـــالمــنا غــــاب ..

مــصــاب شــمّــر ياطـــلال ..
هلّت عبايرها الطوال ..
وأجاء وسلمى .. تختنق .. وتفقدكـ مع ذيك الهضاب ..

الكلّ متأثّر عليك .. الكلّ قال إنه محال ..
يقتل أمير بطيبتك !!
أوّاه ياأكبر مـــصـــاب ..

يبكي عليك ..
الطفل .. والمرأه .. ويبكونكـ رجال ..
تركتهم ينعون بإسمك
وأنت أعلنت إغتراب ..

حتى القصايد .. تشتكي فقدك ..
وذوق الشعر من بعدكـ مُحـــال ..
وتبكي عليك القافيه .. وتهل بالدمعة سحاب ..

تبكي غيابك يالقتيل ..
وكم هو عسيرٍ ياطـــلال ..
فقدك .. عجزت أتصوّره ..!!
عـــزّاه ياشين الغياب ..

خانوك من خانوا بلدهم ..
قبل خونك ياطـــلال ..
لــعــنــة أبوهم خاينين ..
لــعــنــة أبوهم بكل كتاب ..

هذا القضاء .. وحكم القدر..
ومالنا في أيّ حال ..
إلا الدعاء بالمغفره ..
يالله تغفر لمن أناب ..

عافاك الله همس طلال

للرفـــــــــــــــــــــع للمشاهده

مشاركات التصاميم :
التصميم الأول ..





التصميم الثاني :

همس

جهد مميز .. عسآكِ على القوه

وبالتوفيق للجميع ..

للرفـــــــــــــــــــــع للمشاهده والترشيح

بالتوفيق يارب لجميع المشاركين
اللي أطربونا والله بهالقصايد
يكفي إنها تحمل إسم الأمير الراحل / طلال الرشيد .. رحمة الله عليه
ما قصروا وعسى الله يبيض وجيههم على هالإبدااع .


والشكر موصول لإدارة المنتدى وخصوصا
إختي الغاليه / همس طلال
على المجهود الجبار اللي قامت فيه من إعداد وتنسيق
عسى الله يبيض وجهها وتسلم يمينها والله

إبداااااع لا يوصف لا هنتوا جميعاً

من جد الكل ابدع
والكل يستاهل
تم تصويتي
ماقصرتي همس عساك على القوة اختي