اشتقت لك يالقطوعه

السلام عليكم ورحمة الله وبركاته

راقت لي



الشـوق ياويلـي علـى سجـة الشـوق
لاجابـك الهـاجـوس مــن غـيـر طـوعـه

ولاوردت حيام الضوامـي علـى المـوق
تشـرب ويرويهـا السهـر مــن دمـوعـه

وانتـي بعيـد هـنـاك والقـلـب مـحـروق
مـثـل الفقـيـد الـلــي تـعــذر رجـوعــه

وابكي على لحظات من عمر مسروق
واسـايــرك يـاقـلـب مــلــت ضـلـوعــه

احيـان اكلمنـي واسولـف مـعـي روق
واحيان روحي مـن هجوسـي جزوعـه

واحـس كنـي غيـر عـن كــل مخـلـوق
لاجابـك الهاجـوس مــن غـيـر طـوعـه

وافــز لــك بأهـلـيـن يـاكـامـل الـــذوق
واتخـيـل ان اللـيـل تـضـوي شـمـوعـه

واقـول سبحانـه خـبـرت القـمـر فــوق
ولاطـرالــي فـــي مـكـانـي طـلـوعـه

كـذا يصيـر الحـب عـاشـق ومعـشـوق
قـنــوع انـــا وانـتــي بـحـبـك قـنـوعـه

ينسـاق لـك عمـري بكـف الغـلا سـوق
لـــو ان قـلـبــي متعـبـتـنـي طـبـوعــه

واعاتـبـك عــن غيبـتـك بــس بـرفـوق
واتـــوه مـابـيــن الـغـنــج والـمـيـوعـه

يابـو عيـون وسـاع والطـول ممـشـوق
تـــرى حبـيـبـك كـــل فـرقــا تــروعــه

غبتي ثـلاث ايـام واونسـت بـي عـوق
وشـلـون لــو كـمـل غيـابـك اسبـوعـه

انـا دخيلـك مـن عنـا الشـوق ياشـوق
والله العظيـم اشتقـت لـك يالقطـوعـه



للأمانه لا اعرف منهو قائلها .



ودي لكم