ابنصح اللي ينقصه بعض الامور

(((ابنصح اللي ينقصه بعض الامور)))
[poem=font="simplified arabic,7,black,bold,normal" bkcolor="white" bkimage="" border="double,8,black" type=2 line=0 align=center use=ex num="0,black""]

ابنصح اللي ينقصه بعض الأمور=امسك عضيدك لا تفكه من يدك

احذر يجي بك كبرياء والاغرور=وينساك اخوك وولد عمك وولدك

تصير عند الناس جانبك مهجور=واليا كرهوك الاصدقاء قل سعدك

خلك على زلات صدقانك صبور=تر الرفاقه هم حجابك وعمدك

وتر الرفاقه ياحصل بعض الأمور=ظلّك اليامن اشهب القيض ظهدك

وكنزالرجال اسرارها وسط الصدور=درعٍ من العزه كساء كل جسدك

والضيق شيطانٍ يحدّك للحدور=واليا توحد بك على الراس هبدك

يسقي بذورك لين تبتدي الزهور=واليا استوى زرعك تقدم وحصدك

اصبرعلى الصدقان في يسروسرور=وابد الموده في بروقك ورعدك

ولافيه مخلوقٍ سليم من القصور=الكامل اللي من مهين الماء أوجدك
[/poem]

(((مشعل عسام الغافل التريباني)))
في 1444/4/15هجري