يبه شلونك

يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟
تبي تدري عن احبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
يبه امي تخيلك دوم..
تغني لك مع القمرا..
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..
مراعيها .. يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكرى..
وعيا لايجي بكرى !!
يبه تذكر زمان مر؟؟
لاقالو عمر؟؟
هو احلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك

ناصر الفهيد

الموضوع الأصلي: يبه شلونك || الكاتب: قصايد الشمال || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..

صح لسان الفهيد
اشكرك على نقلك صراحه روعه

سلمت يمينج قصايد الشمال على نقل القصيده
و صح لسان شاعرها

تحياتي لج

حمامة السلام

قصايد الشمال هلاا وغلاابك معنا ..
ويسلم قلبك على الاحساس الرائع ..
والكلمات الرائعة الف شكر لك..

تقبل مروري ..
بقايا حلم..

قصايد الشمال
صح لسانك وسلمت يمينك على القصيده الروعه
يعطيك الف عافيه
سهر

صح لسانس ولسان الشاعر الفهيد

قصايد الشمال

قصيده رائعه
صح لسان شاعرها
و ربي يعطيج العافيه
على الاختيار المميز

دمتي بخير

وردة العين

اشكرك بعنف يالغلااااااا

نقل موفق وراائع منك .. ..

تقبل احترامي لكـ

اتمنى مواصله ابحارك معناا