الكااااماااات وفوائدها ...

اخواني أعضاء منتدى بعد حيي لوسمحتم بنبدأ المحاضرة
كل على كرسيه لو سمحتم وأي استفسار بعد انتهاء الشرح .. الكل موجود ؟؟؟
بس عشووووق هو اللي غايب ..! زين بنبدأ

بتكلم في هالموضوع عن الكامات واتمنى الاستفادة.. هذا في حالة لو حد فهم شي
شو هو الكام .. يعني نسمع ان واحد مبدل كامات سيارته .. شو قصده وليش بدله ..؟

الكام هو المسؤل عن تنظيم دخول الهواء والبترول للمكينه وكام الوكاله يكون عادة 1 مل واحنا بنتفق اننا نسميه
steage 1 لوحبيت تركب كام غير مال الوكاله تركب 2 مل ولا 3 مل يعني اكبر من كام الوكاله وهذا يعني انك راح تدخل هوا وبترول للمكينه بشكل كبير ونفس الشي يوم تاخذ كام 3 ولا 4 مل راح تزيد صرفيه البترول ..

الايجابيات
اول شي تزيد من سرعة السياره بشكل كبير ( اذا ظبط معاك لأن مرات الخراطة ماتطلع مظبوطة وعاد روح ضارب البنجالي فلاتستخسر في الموتر ووده كراج محترم )

السلبيات
صرفيه بترول .. يعني بتضيع لو سيارتك 8 سلندر وانت طالع

اذا ركبته وتبغي تشله بتهور* ( بتقل عزيمة المكينة )المكينه لانك غيرت من تنظيم دوران المكبنه

اذا ركبت كام 3 ولا 4 مل واذا انت واقف السياره بتبند بروحها بسبب الهوا الزايد لداخل الماكينه

ولازم تسوي كم شغله يوم تركب الكام
1: تحف الهد ( لانك راح تزيد من عزم الماكينه فالماكينه تحر عندك )
2: تبديل البساتن وتركيب بساتن ستيل ( اختياري يعني مب شرط تسويه بس الناس غالبا يسوونه )

ندخل في المفيد .... كم بـهز جيبي واحط لي كامات ...؟ يعني كم بدفع؟؟
السعر في اماراتنا الحبيبة يتراوح من

STAGE 2 = من 1800 الى 2000 درهم اماراتي

STAGE 3 = من 3000 الى 3500 درهم اماراتي

STAGE 4 = من 4500 الى 5000 درهم اماراتي

حد فهم شي ...؟

تحياتي للجميع
دكتوركم الصغير
gtr_7

الموضوع الأصلي: الكااااماااات وفوائدها ... || الكاتب: GTR_7 || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

مشكور اخي على شرحكك

تحيتي

تسلملي احاسيسك يا احاسيس