شاغره .لخريجات كليه التربيه

عليكم ورحمه الله وبركاته

تحياتي لاعضاء المنتدي الكراام ....وصوره بلا تحيه لكل مسؤال لايرعى ذمه الله وليس به ذره من الحميه ولوطنيه .......في بلد للاسف اصبح مرتعا للاجانب >>وليتهم مايحسدوننا بالطبع هناك وظائف ساذكرها لكم :
شاغره...شاغره ......شاغره ....شاغره >>>>لخريجات كليه التربيه


اليكم الوظائف...............
1=رائده نشاط للمتوسط....بدون حصص يعني مفرغه للنشاط..براتب 1500ريال
2=معلمه رياضيات للمتوسط....كمان براتب 1500ريال
3=معلمتان للانجليزي.....كمان براتب 1500ريال
4=ثمانية ((8)) معلمات للمرحله الابتدائيه براتب 1500ريال.


اخواني واخواتي اعضاء المنتدي الكرام ...في بلد الخير اصبحنا نعاني الفقر والحاجه؟؟
للاسف بناتنا ماحصلن فرااااشه بمدرسه !!!والفلسطينيه والمصريه بوسط حايل وعلى عينك يادارة التربيه والتعليم ........عتبي على الايام والحظ الردي!!

طيب تعالوا ناخذها حبه حبه ؟؟
رائده النشاط بمدارس الابتدائيه والمتوسطه النموذجيه !!بدون حصص يعني مفرغه اااااه هذي صراحه وظيفه صعبه مايمكن يقوم به الا فلسطينيه الله اعلم من وين شهادته ؟يعني مافي من بناتنا وحده كفو للوظيفه.......عتبي على الايام والحظ الردي

اووكي نستثني معلمات مادة الانجليزي للمتوسط>>>واضح عندنا نقص ولا شرااايكم ؟؟
بس مادة الرياضيات اعتقد اللي خامةٍ الوساده بحايل ومتخرجه له اكثر من 3 سنوات اكثر من 300بنت ومتربعاتٍٍ عند اهلهن ........عتبي على الايام والحظ الردي

الله الله الله ياكبره يااعبره عاد هذي اللي ماله علااااااج معلمات ابتدائي يعني الـ10000
بنت اللي نايمات ببيوت اهلهن وشيبانهن كل يوم يطامرون عند باب الرئاسه العامه لتعليم البنات وبعضهم يتعدى للوزاره !!بالله سؤال يسدح نفسه
بناتنا ماهن كفو ؟؟ولا شهاداتهن تزوير؟؟ولا غير معترفٍ بهن ولا ولا ولا .........

ولا السعوده كلاااااااااام فاضي <<<تحوم تسبدي هالكلمه واعتقد هي سبب البطاله !!
تدرون الوظائف وين ؟؟
الجمعيه الخيريه بحائل >>لاحظوا الجمعيه الخيريه

جمعيه خيريه لاهل حايل بس الوضائف للمصريه والفلسطينيه .......ورئصني ياقدع
يعني وش السالفه !!والله العضيم بناتنا يرمن 300 كلم ويتبهذلن ويتمرمطن والاجنبيه بوسط حايل ...!!ولا نرضى على انفسنا نشوف خير بلدنا لغيرنا ونسكت ...!!

لمسؤالي ادارة التربيه والتعليم +الجمعيه الخيريه
كم اسرة بمدينه حائل بحاجه الى هذه الوضائف وكم رب اسرة يتمنى لابنته ان تساعده وتساعد نفسها ..وكم من فتاة بحائل مسؤله عن اهلها ؟؟؟؟

اليست جمعيه خيريه الا يحق لاهلها ان يتمتعوا بخيرها ؟؟اليست بنات حائل احق بهذه الوضائف ام ان هنااك مالا نعلمه!!!!!!!!!!!!!!!!!!!

اذن يحق لنا ان نسميها وظائف شاغره تحتاج لرجال كي يطالبوا بحقوق بناتهم واخواتهم

صورة بلا تحيه لمن ليس لديه القدره على المواجهه

تحيااااتي

الموضوع الأصلي: شاغره .لخريجات كليه التربيه || الكاتب: القفاري || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

حسبنا الله ونعم الوكيل
والخافي اعظم

رعاك الله قفاري على اظهار الحق

صدقت اخوي قفاري
جبتها على الجرح
والسكوت هو اساس مصايبنا
لانقول الا حسبنا الله عيهم