بسم الـله الرحمن الرحيم
كان ياما كان في سالف العصر والاوان
في مرة من المرات أتنومت جدتي في المستشفى الجامعي وكان أبوي وعمي رايحين يزورونها عاد حنا يالبنات (أنا وأختي وأثنين من عماتي مقاربين لنا في العمر ) نشبنا في حلقهم نقولهم نبي نزور
معكم مو حبا في الزيارة بس نبي نقز اللي رايح واللي جاي وبعد الاخذ والعطاء وافقوا أنا نروح معهم ونلبس ونروح وصلنا عند جدتي وسلمنا عليها وقعدنا نسولف شوي ألا جاي عمي الصغير يصارخ و
يقول شفته شفته قلنا له من شفت قال عبد الله السدحان عاد حنا ماصدقناه لانو عمي هذا راعي مزح ماينعرف صدقه من كذبه يوم شفناه خلاص راح ينفجر قلنا يابنات محنا خسرانيين نروح ونشوف ويوم رحنا
الا هو عبد الله السدحان بشحمه ولحمه عاد حنا ما صدقنا خبر وقعدنا نقز ونقز الرجال أستحى وحنا عادي كملنا القز (ناس فجعانه أول مره تشوف ممثلين )عاد حنا البنات أتفقنا أنو نروح نسلم ونصور
معه يوم درى عمي أنا نبي نروح نسلم ونصور معه رفض قال مافيه قلنا رايحين رايحين أثاري الاخ راح ينادي أبوي وعمي الكبير وهات ياتهزيئ وهات ياهواش أنتو ماتستحون وجرونا على غرفة جدتي
في المستشفى وقعدونا غصب بعدين سبحان الله أختفى عمي الصغير ندور عليه مالقيناه توقعو وين لقيناه لقين الاخ قاعد مع عبد الله هات ياضحك وهات ياتصوير
أثاري الاخ يبي يفضي الجو لنفسه عشان يأخذ راحته عاد حنا البنات سكتنا لحد مارجعنا البيت
ويوم وصلنا الله لايوريكم هوشه وضرب لانه كان لسه صغير في السن يعني 11 أو 12 سنه (بالعامية نقدر نمسطه على كيفنا )
وأذا أحد سأل ليش تضربونه بسيطه نكذب ونقول أزعجنا ماخلانا نذاكر أوأي عذر ثاني المهم نشفي حرتنا
وهذا اللي صار أن شاء الله يكون عجبكم الموقف رغم أنه موقف قديم له حوالي 8أو 9سنين مع تحـــــــــــــــــــــــــــــــــــــــــيات أختكم شباصة أجوديه
وصورت اختي معه لوول بس مسحها اخوي لما رجعنا البيت<<ذكاء تمسوحي
العرض المتطور
