صباح الخيـــر ..!!

صباح الخير لو بـه خيـر سلفنـي لصباحاتـي
تعبت أسولف أحلامي على صوت البكى والنـاي

تعبت امن السؤال اللـي يبـي موتـي إجاباتـي
وتعبت أبرر أحزاني مع أنهـا غلطتـي وبكـاي


كثير اللي سألوا عن حلمي اللي لابـس أبياتـي
وأقول أن الوجع عاري وأصب الدمع مثل الماي


كتابـاتـي حكاياتي..حكـايـاتـي كتـابـاتـي
هناك بالذات لو تذكـر تلاقـت غصتـي ببكـاي


هنا جيت وجلست أحسب من الضيقة جراحاتـي
أراجع ذكريات اللي بقى مـن ضحكتـي ويـاي


هنا صبيـت لـك حزني..وهنـا ذوبـت آهاتـي
هنا جيت انسكبت لخاطـرك وابدلتنـي بالشـاي


هنا سولفت لـك عني..وهنـا ماتـت حكاياتـي
هنا أعطيتك قلادة عشقي..وشعري وكل معناتـي


تصدق خايف محد يصـدق حجـم مأساتـي!!
ياليتك لو تجي هالحين وتسولـف لهـم ويـاي


نكون أخوان؟!من عيني..وغصب عني وعن ذاتي
ولكن لو سمحت اشرح طلبك لمهجتي وحشـاي


تخلي عاذلـي يعلـق شماتـة كـل طموحاتـي
قسـم بالله مانطقهـا ولايمكـن تجـي بشفـاي


تعبت أضحك على صبحي بفرحة في مساءاتـي
تعديت الثلاثين انتظـار وهالفـرح مـو جـاي


وقـررت أفضحك..وأكشـف لهالدنيـا معاناتـي
عشان أن مت مابي جرحك فـقبري يجي ويـاي

ع الجرح لقربها من احساسي كثيـــــر
اتمنى ان ترتقي لسمو ذائقتكم