وان لبستك ذم

ودي اكتب بوح .. من صميم الروح
وكل بوحي نوح .. آه يا شوفي ..


اسكت احسن ؟ .. لا ..
بعض صمتي ..
ما أحد يقرى الجروح .. غيري ..
كيف اعيش الناس وافكاري جنون ..
في عقول اقراب .. مصيبة ..
شوفهم بس المظاهر ..
واعتقادات الضمور .. تحتويهم ..
القمم فيهم سفوح ..
والمحبة كذب .. والفكر اوهام ! ..
والرجا بالله لفظ .. والمجادل فض ..


ارحم عيون الصغار .. واحتويهم دمع ..
وازعل لجهل الكبار .. واحتويهم دمع ! ..
لوسألت الذوق ليش هالغربة ؟!..
قال انا منفى ..
قلت اعيشك وهْم .. وان لبستك ذم ..
الحسد يكره بلادك ..
والجهل يضحك عليك ..
يا واقعٍ مفروض .. في نظرتي مرفوض ..
تبقى علي مفروض ..


لو تعاندني السنين .. وتتغير ..
انا على شفّي .. لو رغبتي حتفي ..
وما دامني صليت ..
كل الفروض الخمس ..
في وقتها لله .. ومن دنيتي عانيت ..
الله يعاوني ..
كل اتجاهاتي .. ما تغضب الرحمن ..
وشوفي ورى الأزمان ..
باعيش انا لذاتي .. وصاحب قراراتي ..
عقلٍ بدون احساس ..
لو اقتل الإحساس .. ماطيع رغباتي ..
الا اذا عقلي .،.
حيا باحاسيسي ..


عمر بن عبدالمحسن