مواقف طريفة ليلة الدخلة(المواقف 3،2)..!

الموقف الثاني:كما روته صاحبة الموقف: قبل يوم الزواج بيومين خرج زوجي مع اصدقاءه في رحلة للبر.. على أن يعودوا في المساء.. ولكنهم تعمدوا اختيار مكان بعيد جدا.. وعندما حل المساء طلب منهم الرجوع.. ولكنهم ماطلوه حتى تأخر الوقت كثيرا.. فقالوا: سننام هنا الليلة على أن نذهب في الصباح الباكر.. وكذلك ماطلوه أيضا في الصباح.. وحاولوا بكل طريقة ألا يرجعوا.. حتى أنهم ربطوه وأوثقوه جيدا بالحبل.. وعندما حل المساء كان في حال لايعلمه إلا الله من القلق والغضب من هذه المزحة الثقيلة.. وهم لايأبهون له.. وفي موعد الفرح كانا والديه قلقان عليه جدا.. لدرجة أن والدته تبكي خوفا عليه وقلقا.. ولم يطلقوا سراحه إلا في الساعة الثانية عشر.. حيث انطلق مسرعا ومن غير شعور إلى قصر الأفراح بثيابه التي عليه.. واقترب وتلثم بشماغه وطلب من أحد الأطفال مناداة والده.. الذي حضر مسرعا فشرح له العريس السالفة كلها.
وجابو بشت للعريس وكشخ وتم الزواج ولله الحمد ولكن والدي العروسين حصل لهم هذه الربكة والخرعة من تأخر العريس بعض الوقت!!

ايه نسيت اقول لكم هذا العريس انتقم من كل أصدقاءه اللي خرجوبه للبر شر انتقام و كل واحد من أصدقاه بات ليلة عرسه بالمستشفى.


الموقف الثآلث: هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس ..
المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
عاد يوم جا في البيت لازم يشيل الغتره موب على طول بتستمر كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها.والأبو فهّم البنت وعدى هاك اليوم على خير

ألقاكم بالمواقف5،4 بعون الله

>بردت كبدي يوم قلت انتقم منهم شر انتقام

وش ذول الاصحاب الله ياخدهم ماهم صاحين والله
مايوصل المزح لذي الدرجة مو مزح ذا عداوة بقوة



> اقول وش فيك منفعل انتبه ع نفسك بس !!!


يسلمووووووو ابو طارق

اقتباس: المشاركة الأصلية كتبت بواسطة هدوء الجوري    >بردت كبدي يوم قلت انتقم منهم شر انتقام وش ذول الاصحاب الله ياخدهم ماهم صاحين والله مايوصل المزح لذي الدرجة مو مزح ذا عداوة بقوة > اقول وش فيك منفعل انتبه ع نفسك بس !!! يسلمووووووو ابو طارق

هلابك هدوووء الجوري
أعجبني ردك الطريف الله يســـعد أيآمك
أشكرك على تشريف الموضوع
حفظك الله ولاعــــــدمنا وجووودك.

هههههههههههههههههه في انتظارك ابو طارق


> بس هالمرة نبيها انتقااااااااااااام

اقتباس: المشاركة الأصلية كتبت بواسطة هدوء الجوري    هههههههههههههههههه في انتظارك ابو طارق > بس هالمرة نبيها انتقااااااااااااام

هلابك أســـتاذي هدوووء وأبشر بعزك
يوم الخميس بمشيئة الله
تحياتي وتقديري لشخصك لاعــــدمنا وجووودك.