ثلاثين عام اجمع تواريخ لابتي

[poem=font="simplified arabic,6,black,bold,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]
أيا سرع سقطات الملا وانهيارها=اذا كانت اشراره تحاكم خيارها
وراع المكارم يرتجي سربة الردى=ويخشى عساكرها وقوة حصارها
مثل حالة العربان بديارها التي=تعاني مهونتها وكثر احتقارها
والايام لو تضحك بدربك وتحتفل=أيا سرع ماترجع وتخلف مسارها
وللعقل في دورات الايام عبره‎=وهي راحة للنفس عند اعتبارها
ومنها قصور اللي نحت قاسي الجبل=وصارت لرجل ماشقى في عمارها
وخضر الزروع اللي تمايل وتنثني=حصدها الذي ماساق قيمة بذارها
خذتهم سهوم العمر بطعونها التي=رمت صدر كهلان العرب مع نزارها
واذا بان شيب الراس تلمع كواكبه=بدت تقترب للروح رحلة قطارها‎
وترى النفس ماتغلي بدنياه ناصح=تريد الرفيق اللي يجي بإختيارها
ورجوى الوعايد يافتى الجود ضيعه=أيا ويل من بات الدجى بإنتظارها
والاموال خير لمن شكر فضل ربه=ولا داج بأموال العباد وعقارها
وخير اختبار لخافي الطبع بالملا=وايا كثر من يرسب بوقت اختبارها
فكم سافل بالمال بانت حقايقه=وحارب رجال عيشته وسط دارها
ولا تغري اهل الساس والعقل والنقى=من اللي رفع رب الخلايق وقارها
والاصحاب مايصفي بهم كود واحد=اذا شح غيث الدار واقفى خضارها
تبي ترتجي شوفه ولا ينفع الرجى=ويا سرع ماتسمع حنين اعتذارها
فدع ذا وياساري على ضوح بارق=شعاعه كما الدانات عقب انفجارها
تخيله عيون اللي قضى الليل ساهر=وتساوى بعينه ليلها مع نهارها
يشادي هريف الذيب في حالك الدجى=شكى الجوع والبندق خطير عيارها
مضى الليل والراعي قريب من الغنم=وبانت خيوط الفجر يوضي منارها
عوى يشتكي جوعه وضيعة وسيلته=وقاعٍ بنار القيظ يعمي غبارها
وغادر دياره مثل من راح قبله=ذيابٍ جفت دار الهوان وثبارها
ابي تاخذ اخباري ونقوة مثايلي=لقوم تبعنا حجها واعتمارها
وبيت من الجربان توضي مكارمه=هلاك الجزال من الحلال ودمارها
سرينا ورى تاج السيافا اليا سروا=ورضينا وصاياها وزرنا مزارها
ومن قارب الجربان باللين والقسى=هقى المرجله بالقوم تم احتكارها
ويشهد بها فجحان بالكلمة التي=عطتنا صكوك الحكم رغم اختصارها
وشيخ من شيوخ العواصي نلوذ به=اليا قيل نار الغبن يقدح شرارها
على الشيخ عبدالله شفى راعي العنى=سليل الشيوخ اللي رفيع منارها
سقى غرسة جتها العواصف وقاومت=وعادت لدار المجد عقب احتظارها
خواله عمامه صامل العرق والنسب=صوارم قرانيس الطيور وحرارها
مواكر علي باشا بها النادر الذي=حوى شيمة الجربان عند افتخارها
زعامة قرون في ثنى المجد والفخر=خذتها النفوس اللي عزيز جوارها
وحد السيوف اللي على الخصم تلتهب=وحكمة خسارتها وعز انتصارها
وطيب الكفوف اليا جفى الوقت وادبر=تشادي مزون الوسم عند انهمارها
ماهي شيخة اختام من الحاكم الذي=يوقع وظيفتها ويصدر قرارها
انا ساير بدروب ربعي وعزوتي=رجال قبال الضيف تجدع فقارها
تحت جانحي روحٍ من الطيب ترتوي=من مزون حايلها وغيمة قفارها
ثلاثين عام اجمع تواريخ لابتي=وضيم الدلال اللي كثير بهارها
جمعته وحققته وصغته على الملا=بصوت رفع ضغط العدى واستثارها
لما طاح راسي يشتكي جفوة العرب=والاقدام طاحت تشتكي من هجارها
ولا بان لي بين الرفاقات ناصر =سوى الحسد وهروج سقتني مرارها
فلا انا ربحت فزوع ربعي هل الندى=ودعم الرجال اللي رفيع شعارها
ولا انا سلمت من الاذيه بوسطهم=من اللي ضحى الشده سريع فرارها
وهي علة ياما وطت كل طيب=وياما جنينا المهزله من ثمارها
فلا نسند اللي بان للناس طيبه=ولا نترك اهل الطيب ترمي جمارها
وانا قادرٍ من فضل ربي ورحمته=اعدي صغايرها واقاوم كبارها
واذا ماقطعت الدرب نقنع بما مضى=ونهدم مبانيها ومسجد ضرارها
ويكفي وقوفي وسط دار رجالها=تعدو جميع وغادروا من مطارها
[/poem]