زوج وزوجته

شوفوا وش قالت زوجته ؟


--------------------------------------------------------------------------------

السلام عليكم ورحمة الله وبركاته

دخل رجل على زوجته وهي مشغولة في البيت وناداها ودار بينهم هالحوار:


هو: يا فلانة

هي : سم

هو: تعالي أبيك لو سمحتي

هي: وش عندك؟

هو: تعالي وأعلمك

هي: يا حبيبي مشغولة أكوي ملابسك

هو: خلَّي الكوي وتعالي
هي: طيب

ثواني وهي جاية بملابس روعة وريحتها أروع وابتسامتها مالية وجهها ؛ وقالت:

سم .. آمر حبيبي

ناظرها بابتسامة صفراء وقال: تراني تزوجت عليك

جلست على الكرسي وهي تناظره وقالت بصوت يرتجف: وش قلت؟

هو: أقول تراني تزوجت عليك ويالله قومي خذي لك ملابس وروحي لأهلك كم يوم

بسافر أنا وزوجتي الثانية كم يوم وراجع

ناظرته وهي مصدقة ومو مصدقة وبدون سابق إنذار هب في وجهها وقال: قومي الحين

وحطي لك كم لبس ويالله تراني أنتظرك بالسيارة لا تتأخرين علي

طلع وهي تناظره إلا مبققة عيونها مصعوقة من الخبر وحايرة من أسبابه

دقايق معدودة وهي تفتح الباب وتركب معه وبصوت يكاد يختنق قالت: لو سمحت

ممكن تجيب الشنطة؟

نزل من سيارته وأخذ شنطتها وحطها بالمقعد الخلفي .. شغل السيارة وتوجه لبيت

أهلها .. شوي وهم واصلين للبيت وقالها: تفضلي انزلي .. فتحت الباب ونزل

قبلها وأخذ الشنطة وجاء من عند بابها ومسك يدها


وقالها: حبيبتي تراني ما تزوجت عليك ولا هم يحزنون .. بس ترا أبوك مات!!

هي بدون شعور قالت:

*
*
*
*
*
*
*
*
*
*
*

أششششششوااااااااا


وش رايكم يابنات يعني بعد ماربى وتعب وصرف عليها وكبرها وماتاخر عنها بشي

تقول عنه كذا يوم مات ؟

الموضوع يضحك ويبكي باخر شي لان فيه عقوق يصير الموضوع صرقوعي درجه اولى
تحياتي

الحمد لله والشكر الله لاتبلانا
يذلف بقلايع وأدرين أهم شي أبوي
الرجال بداله مية رجال لكن الاب واحد..
لكن بعض العقول أحياناً يبيلها هههههه..

الله يخلي لنا والدينا ولايحرمنا برهم يارب العالمين ..

الوافي الله يعطيك العافيه على القصة ..

تقبل مروري..
بقايا حلم ..

الوافي

شكرا لك علي القصه الرائعه يعني زوجها ما حب يصدمها علي طول وبذكائه عرف شلون يخفف وقع الصدمه عليها واحتال عليها بكل مكر ودهاء لان اكثر شي تكرهه الزجه ان زوجها يتزوج عليها لك مني كل الود تقبل مروري

اشكر مروركم بارك الله فيكم

بقايا حلم
حيران

اخوكم
الوافي