الأمير طلال آل رشيد "رحمه اللّه"

[ قصيدة في الأمير الراحل ]

[ طلال آل رشيد ]

[ رحمه اللّه ]

[poem=font="simplified arabic,7,white,bold,normal" bkcolor="darkred" bkimage="" border="double,8,darkred" type=2 line=0 align=center use=ex num="0,black""]
هو قصيدي مايحرّكه المهب=والمدح ماني بمادح لي صغير

في سموّك مدحي لغيرك صعب =ناقصن هو دون من يمدح كبير

يـا بعـد شـمّر ويـا عـزّ الـعـرب =ما دحن والمدح واجب بالامير

والفخر فيهن على لحنك لعب=يا صغيّر طول عمرك اي صغير

قاصرن ياللي تدوّر لك رتب =لا تطول الثوب دام انْتَ قصير

مجدنا تاريخ حاضر ما غرب =من قصور العز ظل قومك حصير

ويش اخلي ويش اقولن فالعتب =يالجزاير في عتابك وش يصير

لو عتابي لك يرد نورن غرب =في غروبه ما دركه إلا البصير

والله ان لو تبكي اعيون السُحب =يالجزاير ماكفتنا فيه مير

ما طفانا لو سحابك صبّ صبّ=كيف يطفي نار شمّر تستثير

لو يصير التراب في أرضك ذهب =سامحك ربّن على أرضك بصير

ويش اخلي ويش اقول ويالعجب =في زمانن عزّ كل من هو صغير

في زمان النار حمّال الحطب =هو على الكرسي خذا منصب وزير

يا أميرن مايكبّره اللقب =في جنابك هاللقب اضحى كبير

يا رشيد العز بك شعري طرب=يا حروفي ملعبك مدح الامير

لا انا مرثيك كيف ارثي صعب =حاضرن صيتك كما فيضن غزير

ما يموت الصيت في صيتك عجب =يا أمير الناس وَ امير الضمير

آه يـ التاريخ بالله أنتصب =وذكره وذكر شموخه للأخير

هو عدوّه من شموخه يرتعب =والدليل أن اغدره أبْلا ضمير
[/poem]


بـقلمي

ريم الشمري

الله يرحمه برحمته يارب

يسلمك ربي ريم الشمري ويسلم قلمك وقلبك

اقتباس: المشاركة الأصلية كتبت بواسطة مزون شمر    الله يرحمه برحمته يارب يسلمك ربي ريم الشمري ويسلم قلمك وقلبك

امين

الله يسلمك

هلابك مزون

عسى مثواه النعيم الامير طلال

صح لسانك واعتلا شآنك
قصيده جزله من شاعره متمكنه
تحمل بين طياتها معاني وحروف ساميه بالامير الراحل
ترتقي لفكر كل متذوق
سيدتي صح بوحك

اقتباس: المشاركة الأصلية كتبت بواسطة عيونك اوطاني    عسى مثواه النعيم الامير طلال صح لسانك واعتلا شآنك قصيده جزله من شاعره متمكنه تحمل بين طياتها معاني وحروف ساميه بالامير الراحل ترتقي لفكر كل متذوق سيدتي صح بوحك

اللهم آمين
صح بدنك
هذا من رقي
ذوقك

رحم الله الأمير ابونواف ورزقه الفردوس الأعلى من الجنة
وصح لسانك ملاااايييين شاعرتنا ريم الشمري
لاعــــــــدمنا وجووودك.

تم التنســــــــيق

اقتباس: المشاركة الأصلية كتبت بواسطة ابو طارق الشمري    رحم الله الأمير ابونواف ورزقه الفردوس الأعلى من الجنة وصح لسانك ملاااايييين شاعرتنا ريم الشمري لاعــــــــدمنا وجووودك. تم التنســـيق

اللهم امين
صح بدنك
نورتنا
سلمت يداك

صح لسانك وربي يرحمه برحمته الواسعه

اقتباس: المشاركة الأصلية كتبت بواسطة حايليه    صح لسانك وربي يرحمه برحمته الواسعه

هلا حايليه
اللهم امين
صح بدنك

كفو والله ريم الشمري
على نفس قافيه ياصغير رائعه

رحمه الله برحمته

اقتباس: المشاركة الأصلية كتبت بواسطة جنون الشوق    كفو والله ريم الشمري على نفس قافيه ياصغير رائعه رحمه الله برحمته

كفاك الطيب
هلابك مشرفنا نورت
صح بدنك
اللهم آمين

روعة الحرف تعانق سمو المعنى
لتستلهم من جمال الكلمه قصة ابداع
صح لسانك ريم الشمري مليون ولا يكفون
تشرفت بقرائتي لقصيدتك الرائعه بالامير طلال رحمه الله
وبيض الله وجهك
تحياتي وتقديري لشخصك الكريم

اقتباس: المشاركة الأصلية كتبت بواسطة الـ ساري    روعة الحرف تعانق سمو المعنى لتستلهم من جمال الكلمه قصة ابداع صح لسانك ريم الشمري مليون ولا يكفون تشرفت بقرائتي لقصيدتك الرائعه بالامير طلال رحمه الله وبيض الله وجهك تحياتي وتقديري لشخصك الكريم

هذا من رقي ذوقك
صح بدنك
والشرف هو مرورك
العطر
تحياتي لك

قصيدة جزلة في أمير وشاعر فذ
شكري وتقديري لك على هذه الرائعة

اقتباس: المشاركة الأصلية كتبت بواسطة إحساس رسام    قصيدة جزلة في أمير وشاعر فذ شكري وتقديري لك على هذه الرائعة

انا اشكرك على عاطر
المرور