[ يُمـه َطلال توفى ..!

* *




رحــت عنــي..
بس باقــي.. في ضلوعي..
بس باقــي..تسقي كل غصن ٍ في عروقي..
كـان زولك ينبت الزهر بعيوني..
وكان صوتك يحفظ الدمعه بجفوني..
كنت اضمى .. وانت ساقي..
كنت اجهل .. وانت ساعي..

رحـت عني..
ووش بقى..
غير طيفك مع دفا..
غير ذكرك مع وفا..

كنت صادق..
كنت حاني..
كان قلبك كله وافي..
كان وافي..ومايجافي..

كنت والد كل يتيم..
وكنت صاحب كل مريض..
وصدق انك ماانت بأناني..

كان عمرك تضحيات..
بين ارمل.. ومريض يحتريك..
بين عاجر.. ويتيم ينتخيك..

كنت كاسي للعراة..
كنت مُلبس للحفاة ..
كنت دفى لكل الفقارى..

كان قلبك.. ماهو ملكك..
كان ملك كل ضعيف..

رحت عني..
بس فقدتك..
وكان طيفك.. كل ليله في منامي..
وصدق انه ماجفاني..
كان وافي وهو طيفك..اجل كيف لو كلك امامي..

اااااااااه
وش بيكفي لوصوفك من معاني..؟

لاتنوح ولاتضيق
ولاتوصي في عيالك..
لاتوصيني في عيالي..!!
ذولي اقرب من حنيني..
ذولي اقرب من محاجرها عيوني..

لا توصي في نواف..
هذا زولك لا لمحته..
ولا توصي في صغيرك عبدالعزيز..
هذا قلبك لا حضنته..
وبعدهم حتى فواصل..
شفها مكسورة الخاطر..
ومالها قيمه بغيابك..

لاضاق بالي..اذكر ان الخير كان دربك..
وبيبقى لك خير ووافي..
وادعي ربي في صلاتي..
ينور لك درب ظالم..
ويرزقك جنه مديمه..
ماهي دنيا.. مستديره خيرها زايل وفاني..


نوره بنت عبدالله

*: