القوافي الرائعه في الاشعار الذائعه

قصيده ذكرت فيها افضل ماقيل على كل حرف من حروف الهجاء
حسب ترشيحي انا فقط وتقديري المتواضع وقد يرى غيري خلاف
ماقلت ويكون الحق معه طبعا000

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

عـيــون الـنــاس بـالـــدنـيـــا بـصـيـره=لو ان كـفـوفـهـم دايـم قـصـيره
تـسـيـر الـنـــاس بـدروب الامــانـي=ولـكـن الـقـــدر يـقــطــع مـسـيره
وصغت الـقـاف من زيـن الـمـثـايـل=لـعل الـقـاف فـيـه الـيـوم خـيره
بـيــوت(ن)مـانـظــمــهــا كل شاعـر=تـبـي له شاعـرن روحه خـبـيـره
شربـت بـحور زيـنــات الـقــوافـي=وصار الـشـعـر لـهـمـومـي ذخـيـره
اصوغ اللـي يـهـيض بـوسط جاشي=واوضح مالـجـى وسـط السـريره
لو ان الـقـاف تـغـنـيــنــي حـروفــه=تـحــديـت الـفــرزدق مــع جـريـره
وانـا لاقـيـت بـالـدنـيــــا عـجــايـب=ورافـقـت الـمـوظــف مـع مــديـره
وراح الـعـمـر فـي ضحـكـه وضـيـقـه=مـع الـعـالـم وانـا عـيـنـي بـصـيـره
وشـفــت حروف شعــار الـخـلايــق=وخـالـطــنـا مـن الــعــالـم فـقــيـره
ودجت دروب دنـيــاي الــغــريـبـه=وذقت جــروح شـلــفــاه الـشطـيره
ولا شـيــدت زيـــنــــات الـــمــبــانــي=ولانـامــت عــيــونــي فــي حــريــره
حــيــــاتــي كـلــهــا كــــد ومـتـــاعـــب=وهـمــي بـالحـشـى مـثـل الـسـعـيـره
اشـوف الـنــاس فـرحـانـه بـجــنــبـي=وريــح ثـيــابـهــا ريــح(ن)عـطــيـره
اغـسل الـثـوب بـكـفـوفـي لروحـي=واجــي راع الـمـعـارف واسـتشيره
لك الـلـه كم رجف جـسمـي بـثلـجـه=بـنـصف الـلـيـل والـدنـيـا مـطـيـره
فطوري من عشاء الـبارح حـفظـته=ولا اعـرف الـمـقـلـقـل والفـطـيـره
وعقب اربـع عـقـود(ن)من حـياتـي=حفظت ألف(ن)من اشعار الجزيره
فـكـم مـن شـاعــر صـاغ الـقـوافـي=مـثـل ريــح الـحـدايـق فـي عـبـيره
عـظـام الـلــي يـقـول الشـعــر تـبـلـى=وقـــيــــفــــانـــه تـــدوج بـكـل ديـــره
مـثـل من حـط حـرف الـهـمـز قافه=وبــدع فـيـهـا الـمثايل قـبـل غـيره
حــروف الـغـــيـهـبـان اللـي بـدعــهــا=حـمـد من مـرة الـطيب ومـحـيـره
وحـرف الـبـاء بـدع فـيـه الـخلاوي=وقـيــفـــان الـمــهـادي مـع قـصـيـره
ولـلــعـــتــــبـــــان وبــديـــوي جــزايــل=هـي نـبــوع الـقـــوافـي مـع غديره
وقـاف خـضـيـر فـي مدح ابـوخـوذه=وابـومـالك لـه امثال(ن)عـطـيره
ونـار كـلــيــب حول اربــع قــصـــايــد=تـشـادي نـار رجـل(ن)شب كـيره
وبـنـــدر جـاب من زادت قــروشـه=بـصــك تــراب واوذاك بــهــــديـره
وقـيــفــان الـشــراري فــوق غــيــره=ذلــولــه كـــنــهــا وقــــفـــة خـــفـــيــره
وحـرف الـتــاء نـظـم فـيـه العـواجـي=نـخــى فـيـهـا الـسباع المستذيره
وابـن هـــذال والـــنــجـــمـــه تـــنـــاوش=مـع هـضيـبــان بـعـصـور(ن)نكـيره
وحرف الثاء صعيب(ن)فـي مـشـده=وصــاروم الـتــبــانــا ذاق مــيـــره
وحـرف الـجـيـم وابـيـات ابن غــازي=وكـنـعــان الـذي فــارق بـعـــيــره
ونـظـم فـيـه السـديـري لـه نـصـيــحـه=غــدت بهـروج خلق الله شهيره
ولابــن عـون الـعـتـــيـبـي فـي غـرامـه=ولـمـحـمـد بـبـقـعــاء مـع عـشـيره
وحــرف الـحـــاء بـيـوت الـمـشلـحـيــه=وقـاف بــداح لـلـــريـم الـغـريـره
وحــرف الـخــاء لاخـو رثــعـــه نـوادر=ولابن عنـقاء عن الحرب القشيره
وفـيــهـــا لـلــسـبـيــعـــي حــرف فاخـر=وهـو نـاجــي وقـيــفـــانــه مـثــيـره
وحــرف الـــدال لــرمـيــزان جــوهــر=ولابـن هـذال بــه عــفـه وجـيـره
وفـي قــاف الـخـلاوي خوش شيـخـه=وابن حـثـلـيـن سـجـنـه مايـضـيره
ونـظــم وابــدع خـلف فـي وجد ربـعه=وهو يشكـي من الساق الكسيره
مثل بـنــت الـسـلـيـطـــي يــوم عـيـده=غــدت حـكــمه لمن يطرف نظيره
وحــرف الـذال فـيـه حـروف خـالـد=وجواب(ن)للسديري عن هجيره
وسـجـالــي مـع مـبـارك جـبـت حرفه=وهـو بـالـقـــاف قــام وطــق زيــره
وحـرف الــراء خـذى طـيـبه مجـيدع=ولابـن سـعـود تـركـي بـالـشـعـيـره
وشـرهـات الـدقــيــس بـفـــعـل مــانــع=ولابـن روسان فـي غـربـة ضـمـيره
وعـن بـيـــت الـعــنـــود احـــذر تـمـره=وفـيـــه اربـــع شــواعــيــر(ن)تـديره
وحــرف الـزاء لابــن لــعـبـون ورده=رثـى اللي مات بحـروف(ن)كـديره
وابـوغـــلاب لــه قـــاف(ن)عـجـبــنــي=بوصف الـجـيـب لا جـاك بـصفيره
وحــرف الـسـيـن تركي في هـجـوسه=وابن شعـلان بـحـروف(ن)نـديـره
ومـع والــد دبـــــاس الـلـــي تـضـايـق=وغـــانـــم قــالــهـــا مـثــل الـنـــقـــيــره
وحــرف الـشـيـن سـاكـر فاق غـيـره=وفـجـحـان الـفــراوي فـي سـريـره
وفــيـــهـــا لـلـــكــــذيـــبـــــا قــــاف رايــــع=شـراري بـالـهــوى مـا طـار طـيره
وقـــيـــفـــان الـنــصـــافــي نـصـح لابــنــــه=بـيـوم الـعـيـد بـالـذكـرى جـديـره
وقـــال الــعـــرفـجـــي نــقـــوة زهـــوره=عقب حرب(ن)مـضـاربـهـا شطيره
وحــرف الـصــاد نــادر فــي حــروفــه=وابــن ســراح يـشرب من غـديره
وحـرف الـضـاد لـلـــريـــم الــرشـيـدي=وقــاض الـقـيــض والفرقى خـطـيره
وفـيــه لـنـــمـــر مـــع ســـاكـــر جــزايل=وابــوزويــــد ذلــولـــه يـسـتــخــيــره
وحـرف الـطـــاء بــدع فـيــه الـجـميلي=وبـالـــذرفـــان عـــايـــد تــقــــل نــيـــره
وحــرف الــعــــيــن وابــن غــيـــام زاره=وبـيــع كــروش نـسـمــع عـن نـذيره
وجـاب خـضـير فـي مـدح الـتـمـيـمـي=هو امـدح بـيـت بـاشـعـار الجـزيره
وحــرف الـغــيـــن ذكــره صــار نـادر=لان الــحـــرف قـيــــفــــانـــه عـسـيـره
وحـرف الـفــاء مـقــامــه فــي عـنــيـــزه=مـع الـقــاضـي شـرب صفوة عصيره
ولـلــنـجـــدي مـن الــويـــلان شــيــخــه=وصـارت بـالـعـــرب مـثـــل الامـيره
وجـدي صــاغ مـشــي الـسـاق حـافي=ودعـى لـه دعــوة(ن)والـلـه كـبـيره
وحــرف الـقـــاف والـقـــاضـــي قـضـعها=بـتــوصـيـــف الـقــهـــاوي فيه حـيره
وحـرف الـكـاف لابــن شـريــم طـيـبـه=ولابـومـالـك هـي الـورد وصـديره
ولـلـــنــوري جــواب(ن)فـيـــه عــبـــره=ولـه روح(ن)عـلــى الـدنـيـا خـبيره
وحــرف الــــلام لـلــحـــكــــمــــه مـــداره=لـعــبـــدالـلــــه ولـلـــقـــاضـــي نـظـــيـره
وجــاسـم جـــد ابــن ثـانـــي بــدعـــهـــا=وابــن لـعــبـــون مـلـــفـــاه وسـفـــيـره
وقــــاف الـشـبــرمـــيــــه مــع ربـــوعـــــه=عــن الـلـــي جــاء لــربـعه يستجيره
وابــوزويـــد عـطــى جــزل الـنــصــايح=وهـي تـغـنــي عــن الـقـــاف وكـثـيره
وحــرف الـمـيــم لـبــريـــك الـصخــاوي=ولابــن سـرور وبــحــوره غــزيــره
ونـقـــــاه ابــن ســرار وجــــاب ســـره=وجـاء حـرفـه مـثـل شـمس الظهيره
وســاكــر فــي وصــوفــــه لـلـــركــــايــب=وفــوزان الــتــــبــــانـــا طــــب بــيــــره
وحـرف الـــهـــاء لـعــبــدالــلـــه زهـــوره=وابــن غـســـلان وحــروفــه عـطيره
ولـلـــقــــصـــاد فــــي راع الـمـــشـــــوره=عـســى ربـــي عــن الـلاهـب يجيره
وحــرف الـنــون فــيــه اغـلا الـقـصـايد=لــفــجـــحــان وغـــزالان بـهـــديــره
وحــرف الـيـــاء وقــع عـنــــد الــقـــريــفــه=غـدى شـيـخـه وسـاسـه مع وزيره
ولـلـــويـــلان بـالــــقـــــاف بـالــصــــداره=فـيــــا حـــي الــقـــوافـــي والـعـشـيره
جــزور الـــنــــاس فــي وايــل سـنــــامــه=بـجـــزل الـقـــاف كـالـخـيــل الـمغيره
نـظـمــت حــروف الاشـعــار الـثـمـيـنــه=بـكــل اجــيــــالـــهـــا بـالــمـسـتــديره
الاول عـــنـــــدنــا جـــيــــل الــخـــــلاوي=وجـيــل الـقــاضــي اللـي بـان خيره
وثـالــثــــهـــا الـخــضـــارم جـــيــــل بــنــــدر=يـصــب حـــروفــهـــا مـايـســتــعــيره
ورابـعــهــــا حــديـــث الـشـعــر حـاضــر=ضعيف الـقــاف واشـعــاره غـزيـره
وجــمــعـــهـــا كـلـــهــا الـعــمـــــار وابـــدع=ابـوخـــيــــشـــه وداجــه مــع نـشــيـره
بــــدع ألــفــــيـــــتــــه مــن نــــار جـــوفـــــه=مـهـي رقـص(ن)عـلـى نـغـمة سميره
وانـا مـثـــلـــــه نـظـمـــت الألــــف زاهـــي=في ســت بـيــوت وعيوني سهيره
بـهـــا مـاشــفــــت مـن طـــبـــــع الــــبـــرايــا=ولي روح(ن)على الـمـعـنى جسيره
عـلــى نـــاس(ن)يـغــرك كــثــــر هــرجـــه=وعـنـــد الـكــود تــوذيـك بـشخـيره
طـبـــوعــي طـــبــــع شـيـــبـــان(ن)لـقــيــتـــه=يـرون الـكـــذب لـلـعـــاقــل مـعــيـره
وصـرت الـيــوم مـثـــل الـشـمــع يــوضـي=لـغــيـــره والـحـشــى نــاره سـعـيـره
اداوي عــــيـــن مـن راحــــت حــــيـــــاتــــه=وهــو يـنــثـــر وسـط عـيـنـي ذريره
ابــي عـيـــنـــه تـشـــوف الـــدرب واضــح=وهــو يـبـــلان فــي خـبــث السريره
ولــكــن عـــيـــب اخــلـــي طـــبــــع جــــدي=لاجــل خــاطــر هـل النفـس الثـبيره
طـبــوع الـلــي وقــف كالـطـــود شــامــخ=تـجـيـــه الـنـــاس بـجـمــوع(ن)غــفـيره
يـصــب الـسـمــن بـوقـــوت الــشـــدايــد=وهـجــس الـفـقـــر مـايــقـــدر يـذيــره
وانــا لــولا الـــحـــيــاء لاشـفــــت وجــهـــه=وطــيــت اهــل الـخـبـاثـه فـي حـجيره
ولـكــــنـــــه نـصـحـــنـــي قـــبــــل مــوتـــــه=وقــال الـسـيــف خــلـــه فـــي جــفــيـره
وقــال الـطــيـــب لاتـــقـــطـــــع حــــبــــالــــه=ولا تــرجـــي مــن الــعـــالـــــم بــريــره
يـجـــي مــن كـــــف رزاق الـحـــــيـــايــــا=بـجــوف الـظـــلــــع وعــيـــونـه ضـريـره
وصـلاة الـلــــه عــلـــى خــــيـــر الــبــــريــه=نـبـــي الـخـــيـــر والـــديــن وبـشــيــره [/poem]