בـس فيـטּـِي لبّ إבـساسي و טּـِداي ولبـّטּـِي

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أنت لا طقّت براسك ( حُب ) جيت تحبّني ..=وغبت لامن طقّت براسك ( غياب ) وماألتقيك
ياخي .. إمّأ تحتفظ بي صحّ .. ولاّ ذبّني ..=ما أنت مجبور علي .. وماني مجبور عليك
شاطر إنّك بس من وقت لوقت .. تشبّني=وتنبسط لاصرت أقول : الله يرحم والديك
حس فيني .. لبّ إحساسي و نداي .. ولبّني=شوف أنا وشلون صرت أموت و تعلّقت فيك
كن قلبي حالف : ما غيرك أنت .. يطبّني=فلا تعلّقني كذا .. مابين أحبّك .. و أحتريك
خلّني بينك و بين الصّدر أعيش .. و خبـّني=ولا تطلّعني .. لأنّي لو طلعت .. أصلاً بجيك
لا تجاملني بوجه .. و من وراي تسبّني=ولا تسوّي لي ( متيّم ) .. وأنت تخفي ما لديك
ما انت ناقص تربية .. حتّى تقلّي : ربّني=و أنت مثّبت لي من أوّل .. تربية أمّك و أبيك
لو أنا ماني كفو .. اتركني عنّك .. و كبّني=واعتبرني مرحله .. و اغسل من الرّجعه ..ايديك
[/poem]