الــــــــــــبارحـــــــــه

[poem=font="arial,6,skyblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""] البارحة ما بين وشلون يمديك ؟=في يوم واحد يا حبيبي تغيّرت
الليل خلاّني وخلاّ طواريك=تلعب براسي كل ما داخلي صرت
سويت شيٍ حدني غصب ما جيك=ولا قبل لا سيّر الليل سيّرت
الله كريم يصبّر أشواق مغليك=لاقام ينثرني غلاك وتناثرت
منهار جيت العام .. تسبق خطاويك=واليوم ماكنّك قبل جيت .. وانهرت
في ذمتك لامن تذكرّت ماضيك=من يطري فبالك إلى من تذكّرت
خليتني وما قلت لي شلون أخلّيك ؟=ليتك بحالي قبل ما رحت ناظرت
على كثر ما كنت متمسّكٍ فيك=وعلى كثر ما احتجتني ماتعذرت
جيتك وعندي حاجةٍ بين اياديك=والمشكله تقدر عليها وقصرّت
رح بشّر اللي ملتفت لك يناديك=قلّه تركته لخاطرك ما تأخرت
صدقني انها غلطتي يوم اداريك=ولا انت لولا غلطتي كان ما صرت
كبرتك بعين البعيد وحواليك=أبيك تكبر والمصيبة ( تكبّرت )
حاولت اغيّر فيك من كثر مغليك=قدرت لكنّك عليّه تغيرت
[/poem]



لـ الشاعر : ثامر بن شبيب الدقباسي