في غيابك..ما أبينـــي ..!!

في غيابك..ما أبيني
.
بعد أول ليلة من غيابك...قتلني الشوق..فلماذا سمحت له بذلك؟!!


آلشآعر آلمميز / إياد المريسي

.

.
.
في غيابك يا حبيبي
انا ........!!!!!!!
صرت ما اعرفني!!
مو انا!!!
.
.
في غيابك
كل شي حولي غريب
كل شي فجأه تغير
الاماني جايعه
والليالي ضايعه
المسا ما عاد المسا
وكان ذاك الفرح يركض
ومر من جنبي.. تجاهلني
ما عرفني!!
او نسا!!
.
.
في غيابك
ما أبيني..
وجا غيابك والحزن والدمع وآهاتي وبرد الانتظار
واستغلوا غيابك
والعبوا فيني
.
.
قبل ليلة هـ السفر...
يومك تسولف عن سفرك الطويل
قلت لك: لا تخليني..بخاف..
وقلت لي: (لا تخاف)
وبعد ليله من غيابك
يااااه...شايف؟!!
شايف كيف خايف!!
.
.
في غيابك..
ممتلي صدري وله
ما بقي لي غير هذي الاسئله:
من يضمك؟!
بربّك...من يغني لك كل اغاني العشق.ويختمها :بـ أحبك؟!
من يهدد صوتك الغافي ؟!
ومن يشمك؟!
ولي تمكن هالتعب من عيونك..
من يداعب شعرك؟!
ومن يلمك؟!
.
.
في غيابك...
تدري شـ أكّثر شي يذبحني؟!
اني كل ما المس صدري الممتلي حنين
أكتشف انك اناني!!
لاني اسمع صوتك المجنون يصرخ بي :
(شيل ايدك..لا!!..هذا مكاني)
.
.
في غيابك
تدري اني كنت اسولف عن غيابك للصور؟!!.
وتدري ان قلبي سألني؟!
وما عرفت اي شي عنك
.
.
آآآآآآآآه منك
.
.
في غيابك
انا ........!!!!!!!
.
.
.
.
من انا؟!!!
.
.
في غيابك..ما أبيني




رآقت لي ولآمست أحاسيسي