لزقت حبة الشمري

اعجبتني مرررره واستانست من الشايب وحبيت انقلها لكم
ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب ..

طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل (ازلقت حبة الشمري(







وقال القصيدة :



التايه الي جاب بصري يقنه ... هيض جروح العود والعود قاضي



جينا نحب ونطلب الله جنه ... جنة نعيم يوم يابس الحاضي




ياليت كانت حبتي في معنه ... يوم العيون عن الخوامل غواضي



يامن يعاوني على وصف كنه ... اشقح شقاح ولاهق بالبياضي



الريح لازفرة ولاهي مصنه ... ريح النفل بمطمطمات الفياضي


؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والخد ذابوح القلوب المرنه .... براق مزنٍ لاعق اللون ياضي



ياليت لو سني على وقم سنه ... بايام مابيني وبينه بغاضي



أيام جلد الذيب عندي محنه... نصبح وزرق الريش لهن إنتفاضي



ياجرح قلبي جرح وادي وطنه .... غر المزون اللي وطنه وفاضي



البيض قبلي محسنٍ عذبنه... ونمر على وضحى جرا له عراضي



والبيض كم ٍ واحد ٍ يبسنه .... يبسة شماشيل العذوق النفاضي



عزي لمن غر الثنايا كونه .... واركن على كبده كوايلٍ عراضي



الا ارتوى بستان قلبي سقنه... واخضر جنابه عقب يبست الحاضي



القلب غضات الصبايا شعنه .... بنت الشيوخ مخدمين الحياضي



شوفي بعيني والخدم يركبنه .... على زعاع يوم قوطر وناضي



فوق اشقح من زمل ابوها مضنه ... ركبة عليه اتشنطح ٍ باعتراضي



وامشجر من سوق هجر مغنه ... على خياطة نابي الارداف راضي



وين انت يامشفي على طردهنه ... انا طويت ارشاي وقفيت قاضي



انا صدرت ووردهن عقبنه .... على العدو مشرعات الحياضي



احد بوسط النار واحد بجنه .... وترى البخيت اللي له الرب راضي











كنه اسم البنت اللي حبها















ويقال بعد مارجع الوضيحي ندم على مافعل وقال:







ياليتنا من حجنــا سالمينــا ... كان الذنوب اللي علينا خفيفـــات

رحنا نبي نخفف ذنوب علينــا ... وجينا وعليها كثرها عشـر مــرات





و انتهت القصة اتمنى تكون عجبتكم
واعذروني حذفت بيت من عندي لقوانين المنتدى

هى ماهى لزقت
هى بمعناه الاصح (( زلقت))


بنت الثانويه
يعطيك العافيه
على النقل الرائع

تقديرى

هههههههههههههههههههههههههه

اومممممم هالسالفه ماصارت

لاهنتى يالغلا على النقل الرائع


دمتى برعايته

يااااهلا بنت الثناويه بسم الله من متى ذي القصة تسلمين على النقل يابعدي لاهنتي
تقبلي مرووووري ولايكون مزعج حنا اخر ليل

بـــــــــــــ ن ــــت الثانوي
مميزه بختيارك
ويعطيك الف عاإإأإإأفيه
على نقلك المميز

احد بوسط النار واحد بجنه .... وترى البخيت اللي له الرب راضي

الله يرحم بصري الوضيحي وعسى ربي يغفرله ان شاء الله

كل الشكر بنت

من شب على شئ شاب عليه .. اللهم احسن خاتمتنا .. زايغة عيونه بالمره والا بالحج احد فاضي لهالحركات .. مشكورة بنت الثانوية..لاحرمنا الله اطلالتك ..