*تكفيـن كفـي دمعتـك وارحميـنـي *

*ليـه الدمـوع وليـه كثـر الونيـنـي
ليه الغضب ليـه العتـب والمشاريـه*

*ليـه الكـلام اللـي يبـيـح كنيـنـي
شـي يـزيـد الآم الايــام مابـيـه*

*تكفيـن كفـي دمعتـك وارحميـنـي
قلبـي مـن اسبابـك يكفيـه مافـيـه*

*يكفينـي اللـي بثـه البـعـد فيـنـي
بين الرجـا واليـاس وقتـي مقضيـه*

*قلبـي حزيـن وحسرتـي تكتسينـي
وش عاد باقي فـي يدينـي واسويـه*

*خليـت لجلـك كـل قاسـي يليـنـي
وصادمت روس لجلك الموت تشريه *

*وان عاش راسي واسعفتنـي اسنينـي
لـروي ضمـا قلبـي بقربـك وهنيـه*

*ولو يزرعـون اللغـام بينـك وبينـي
نذر عليـه لمشـي الـدرب واطويـه*

*واشيل روحي فـوق راحـت يمينـي
وابيع عمري لجـل شوفـك واسخيـه*

*واجيـك لـو دونـك سيـاج متينـي
دامـك رجـا قلـب بعطفـك غلبتيـه *

*حبك زرعتـه وسـط قلبـي وعينـي
واسقيتـه بدمعـي ودمــي يغـذيـه *