][.. حلــوو آلآطـلآلــه // نآيف العجمي ..][

ما للفقــير إلا التِّمنـي . . ويـاليـت
جعل الليالي من هنآها تَهآنا له

أبكي وأجر الصــوت وأكثِر تنآهيت
في الصاحب اللي علي كِثرِ غِرباله

أكتب قصيدي فيـه بيتٍ ورى بيت
وإن ماعجبني البيت جبنا له بداله

ياصاحبي كـم أنا بعْـــدك شقيت
أطرد ورى طيفك وأقوم أتحلوا له

حنّيت لك يا "الغلا" صِدق حنّيت
ويردني عـن داركـم قــول قوّالـــه

وجيتني في تالـي الليـل ناديت
وأنا أنتظر داعيك دوم أتحرى له

لبّيــت أنا لدعــاك لبّيت لبّيــت
يا جعلني ما أبكيك ياحلو الأطلاله

ياليتني جــار والبيت في البيت
ولا أنّ ربــي جعلـنـي ولد خـاله

ذاك اللـذي صابني ساع حبّيت
كلّه علشــان خآطــره ورضـآ له

ثم ضمّني ضمّة الحي .. للمِـيـت
ثم أقبلت دمعـة العيــن همَــالـه

أقبلت أنا وأقفيت وأقبلت وأقفيت
ثـم عزفتني عـزف غآنــي بمـوّالـه

قالت شِربت الحُب منك ولا ظمِيت
كمّل جميلك وأعرف القَصد والنّاله

دامك حبيب لقلبي اللي لك أعطيت
كلي فدى عينكـ..ولا أرد لك قاله

ورحت أنا من عقب ماني تقهويت
يا حلو صافيهـا..وياحلــوها دلالــه

قولو له إنّـي من سبايبــه ولّــيت
من شافني قال: الولد رايح(ن) حآله

للششآع’ـر // نايف العجمي