عزاء العربان عن حفلة زفافه

[poem=font=",6,sandybrown,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4," type=2 line=0 align=center use=ex num="0,black""]

طاف طيف الهاجس اللي زارني بالليل طيفه=قلت ضيفي بس اشوفه ماضبط حق الضيافه
ثـم اخــايـل بـرق مـزنٍ لاح يدعـيـني رفـيفه=وكل من تسهر عـيونـه في ظلام الليل شافه
ولا لمحت البرق يوضي من ورى وادي حنيفه=انتقض جرحي من اللي ساكن حـي الرصافه
عقب مرباع الضماير طحت في قسوة خريفه=وانـتـهـت زهرة شبابـي في هواجيس وكسافه
والله ان الحال طـاحت مابـقـى منها النصيفه=عقب ماذاقت رماح الهجر ورماح الجـلافه
رمح هاجوس الوليف اللي تـرك دنيـاء وليفه =او رفـيقٍ دس راسه بالقـسى مثل الزرافه
العرب خلت عـقـيد القوم يرجف من عريفه=ظنـوا ان الـثـقـل يوزن فـي موازيـن الكثافه
ماتـنـظـفـنـي رجــالٍ كــفـــها مـاهــي نـظـيــفه=وعكس قـانون المراجل بالعرب والله سخافه
والحـقـايـق لـو تـعـاني طـعـنة الكاذب وزيفه=فـي كـلام الـلـي كـتـابـه مايـجـي قـيمـة غلافه
كـنـها بـرقٍ شـعــاعــه لاح لـك بـمزون صيفه=او حروفٍ صاغـهـا اللي بالعرب بان انحرافه
والحشى لولا القوافي خـفـفـت لاهب صريفه=يشتعل مثل اشتـعال الزرع في شدة جفافه
هي عـلاج الخـافـق اللـي يشتكي حـدة نزيفه=شاعرٍ يـنـسى طـعـونـه لا نظم طاروق قـافه
ان شكى لأقـرب ربوعـه ذاق هـزات عـنـيفه=وصار مايفرق عزاء العربان عن حفلة زفافه
وطـعـنـة رمـاح الليالي للفتى ماهي طريفه =وليت روحي عن مكاسب وقـتها تلقى كفافه
ويوم هاجـت بي رياحٍ بالدجى تسمع وحيفه=جـيـت لـلـي يدعـس الشـدات لو فيها كلافه
من صـوارم نسـل مـره والـشـدايـد ماتخـيـفه=ولا يخلي سـعـي حـجـه بالحرم يسبق طـوافه
ويش ابي باللي عزومه ساعة الشده ضعيفه=ودايمٍ دونـه ودون الـطـيب ودروبـه مسافه
وجيت شيخٍ من عيال بحيح مايفضي مضيفه=من يجي علي العـضيبه شــد عن غيره وعـافه
وارثٍ طيب الـمـراجـل ورث شيبان شـريفه =ورافــعٍ راس الـقـبـيـلـه فـي نـداه وفي عـفـافه
شامـخٍ يـنـقــل حـمولٍ بالـندى ماهي خـفـيفه=ومن زرع زرع المراجل بالعرب يجني قطافه
اشهد ان ابن العضيبه يـبري الـعين الكـفـيـفه=وان فـقــدان ابـوصـالـح فـي مجالسنا حسافه
[/poem]