| | .. سويت , لكن زماني ويش سوابي .. | |

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

مدخل / ..


بكت ليلة البارح , وبرق المفارق لاح
وغض الكلام وشاعرك .. مابلع ريقه !


تلازمني الضيقات .. وأشتاق للافراح
ليا روحّت ضيقه , تجي مسيره ضيقه ..

لاتذبح الحب , وتوقف على قبره
وتصف وقت العزاء في صف شيابي



مابين كل جرح , ماتلقى مغز أبره
مو ناقص الا تصير جروحي ثيابي !!



مابي اسولف , وتكشف حزني النبره
أبين أني سعيد و حزني ادرابي



أتصنع الضحك , واكتم داخلي عبّره
سويت , لكن زماني ويش سوابي ..



خلاني الضيق , ( دايم ) للحزن عِبره
مدري أعاتب زماني , مدري أصحابي



ماطحت , لو ما لقيت لضيقتي دبره
لي عزتً لا بغيت اطيح ترقابي



مع طول الايام عيني تكتسب خبره
والناتج يطيح منها , أقرب أحبابي !!



أنا أكثر أنسان واسى بالخفا صبره
انا رهين الوصل بعيون غيّابي



ليه القلم لا كتبتك يختنق حبره
ليه السهر ما يداري شرهة اهدابي



الخاطر المنكسر , مل الشعر جبره
شوف المشاريه ماتت داخل كتابي



الهم , ياكبره بصدري , وأنا كبره
متبادل أعجابه الدايم مع اعجابي



بذرت فيك الوفا .. لكني اعتبره
اهداء لـ/ اي شخص بعدي ياخذ اترابي

مخرج / ..

من كثر ماشفت بحياتي من ألالام
أحس الحزن بيني وبينه ميانـه ..!

.




لـ أحمد المجاحمه



أتمنى ترتقي لذآئقتكم

[/ALIGN][/CELL][/TABLE1][/ALIGN]