أن كان تنشد عن علومي وأنا صبي

بسم الله الرحمنالرحيم

هذه قصيده لشاعر الفذ عبدالله بن زويبن الحربي الذي يتميزقصيده
بانه تستهويه المسامع وتعشقه القلوب

إن كان تنشد عن علومي وأنا صبي

ابتذكـرهـا واعلـمـك عـنـهـا

لو هي بصفحات ٍ طواها الزمن طي

جرة مطر جاهـا عجـاج ودفنهـا

ألعب طواريق الهوى مع هل الغـي

اثقـل المعنـى واخفـف لحنـهـا

والشعر يبقى في قلوب العرب حـي

ولا كل من سوى القصيـدة تكنهـا

وأنا حداها حدي الاصعاب بعصـي

واقودهـا قـود الاديـب برسنهـا

والحب مردوده على صاحبـه سـي

كم ضحكـة ونَـات قلبـي ثمنهـا

أذكر سنة تسعه وتسعيـن هجـري

الـف وثلاثميـة بدايـة زمنـهـا

زلت بي الاقدام للشمس مـن فـيَ

اقـدار والاقـدار تومـر وتنـهـى

غافل وجتني من كوت خافقي كـي

كية عطـب لـولا طبيـب مكنهـا

أبعدت مضربها عن الصـدر بيـدي

ولدَت على كبـدي برمـح طعنهـا

وعرفت ماتخفيه في صدرهـا لـي

من واقع النظـرات منـي ومنهـا

نظرت فيهـا مثـل نظراتهـا فـي

وعجزت اقاومها وصديـت عنهـا

كل النساء ظلماء وهي بينهن ضـي

غطت شعاع الشمس أشعـة بدنهـا

من الذهب تلبس خلاخيـل وحلـي

سـود محاجرهـا وحمـر وجنهـا

مدري تسمى من ومنيـن ومـن أي

وش هي قبيلتهـا وموقـع سكنهـا

راحت وانا مااعرف من اخبارها شي

الا رموز الموتـر اللـي حضنهـا

مدينة من بين ابـو ظبـي ودبـي

لعلهـا كاننهـا هــي وطنـهـا

تمطر عليها السحب هذي ورى ذي

وديـم الليـا قفـى ثراهـا ودنهـا