ريحان والريحان سم ذحاحي

عسى الخيال اللي بروقه لهـا ضـوح

يرخـي هماليـل الغشيـن القراحـي
على قرى ساحوق من فوق وطلـوح
و ريكات وذريـرة وهـاك المشاحـي

لو كان مالي فـي مراعيـه مصلـوح

لا نيـب لامـوده ولا نـي متـاحـي

متريحٍ مـن بيـن جـدران وسطـوح

مبطي مـن الثنتيـن خـالٍ مراحـي

لي صاحبٍ مملوح مع نـزل مسـروح

يلعب بقلبـي لعبـة مضيـم ضاحـي

وجدي عليها وجد من جـاه سامـوح

بنحـور قـومٍ يشهـرون السلاحـي

عنده ثـلاث أذواد ماهـن بشرشـوح

خلفاتهـن تسعيـن غيـر اللقـاحـي

إلى صعـق جنـه عرازيـل وطفـوح

تركي علـى راس الغـزال اللواحـي

وجاهن عقيـدٍ زاحهـن كلهـن زوح

وربعـه وراه يجمـعـون الطيـاحـي

و تخالفوا عنـد الطفـوح أم طلطـوح

أم الخراطيـم الـطّـوال الشنـاحـي

و أن صد قام الغيض يسقيه ذرنـوح

وإليا بغـى يفتكهـا ، مـن يناحـي ؟

وجاهم بدون شعور مع راس جـردوح

و رموه عطبيـن المرامـي وطاحـي

كد كنت عن روس المراقيب منصـوح

نصيحـةٍ مــا كلـلـت بالنجـاحـي

قام الحمام ينـوح فـي قمـة الـدوح

غنـى وأنـا نايـم وفزيـت صاحـي

أخذت لـي غطـه وصحانـي النـوح

وقعدت ألاحـي ليـن لاح الصباحـي

و عديت من روس المراقيب لحلـوح

لحلوح مـن روس المراقيـب فاحـي

مدملـجٍ ممسـوح جنبـه تقـل لـوح

مثل الزجـاج تمـوج عنـه الرياحـي

عديت بـه سالـم وحولـت مجـروح

وأنا أحسب أنه سلوتـي و انشراحـي

حولت في جرحيـن مغلـق ومفتـوح

وطعون شلفٍ مـن جميـع النواحـي

وشميت لي ريحٍ خطيرٍ علـى الـروح

ريحـان والريحـان سـمٍ ذحـاحـي

لاكـان كاننـي تشافيـت مسـمـوح

وإن مت جعلك مـن ذنوبـي مباحـي

إلا أن حبك تقضيـة وقـت ومـزوح

قلها على المكشوف وأطلـق سراحـي

ما يشبع الجيعان مـن ريحـة الفـوح

ولا يزي الضميان شـوف الضحاحـي

لا زم تبين لي عن الحـب منضـوح

مـا بالخفـى خيـر البيـاح البياحـي

أما أنتظر وإلا أنسحـب عنـك وأروح

وأنته تروح وجعـل دربـك سماحـي

و راسك من الشرهات بالسمن ممسوح

واللي طونّـه بيـض الأيـام راحـي

انتقاء في غآية الرؤوعــه
لآآ هنت ع الطرح
الرآقي والانتقآء المميز
سلـــمت ..

انتقاء رائع

صح كلك ولسسان شاعرها

الله يعطيك العافيه..

آبو حربي

صح لسان الشاعر و سلمت يمناك
طبت بود

:

الله يعطيك الف عافيه
ابيات حيل حلوه
لاهنت

أنتقاء جميل

مشكووور ويعطيك العافيه