مايحدث من الامهات اثـناء خطوبة ابنائهم ( شباب & فتيات ) ..

نقاشي من هرجه سمعتها قبل فتره
وحبيت اصيغها واناقشها معاكم
لأني الى الآن مو مستوعبه اللي يصير
من بعض الاهالي وقت الخطوبه
يعني ( لما يجي الشاب يتقدم للبنت ,
ولما البنت يتقدم لها شاب )



امممم بصراحه استغرب من الامهات لما يجو
يخطبوا لأولادهم تجي الام وتمدح في ولدها
توصلوا لدرجة انو ملاك نازل من السما
وبالنهايه بعد مايتملكوا واحياناً بعد مايتزوجوا كمان
يطلع مدمن مخدرات او مختل عقليا او اخلاقو مش تمام
او ...... الخ << مع العلم انو اهل البنت يسألوا عنو
بس للأسف مو دايماً يلقوا الحقيقه
وتنتهي العلاقه بالانفصال من طرف الفتاه واهلها او
في بعض الاحيان يكون فيه اصرار من اهل الفتاه عليها
بعدم الانفصال بمقولتهم المشهوره ( تحملي وربي بيهديه )
طيب الى متى تتحمل ؟ حرام يرضوا لبنتهم شاب زي كيدا والله حرام ..

وبالمقابل لما البنت احد يتقدم لها تمدح فيها امها
توصلها للسما بالمدح والثناء وانو بنتي ملتزمه مارآآآ
لدرجة ماتعرف شي اسمو جوال << عجبي !! هل الجوال
اصبح دليل على عدم الالتزام ؟ ام اصبح شي حرام ؟
الموهيم بعد ماتملك البنت تطلع عندها 3 شرايح بدل الوحده
وتطلع لها علاقه بولد الجيران ويجي العاشق الغافل ( ولد الجيران )
ويودي الفلاش اللي كلو صور ومقاطع لها معاه
لخطيبها واللي صار زوجها بعد التمليك ويقولو تراها حبيبتي
والله ماتاخذها اصلا نحنا نحوب بعض ونخرج سوا دايماً ..... الخ
وتنتهي العلاقه بالانفصال من طرف الشاب واهلو ..
وعذر ام البنت لاهل الشاب انهم زي الاخوان ومتربين سوا هيا وولد الجيران
طيب والمقاطع اللي بالفلاش ؟ كمان اخوان ومتربين سوا ؟
طيب هادا كلو كوم بس كلام الام اللي في البدايه
انو بنتها ملتزمه ومدري شو ايش يتفسر !!!!!!


هل هو خداع من الام لاهل الشاب ؟
هل هو خداع من الام لاهل الفتاه ؟
أم
هل هو تستر الام على فعايل ابنتها ؟
هل هو تستر الام على فعايل ابنها ؟
أم
هل هي غفله من الأم خاصه والاهل عامه ؟
أم
ماذااااااااا ؟
ماتخاف الأم انو ربي يبلى اولادها في بنات زي كيدا ؟ والعكس ؟



واخيرا ما اقول الا الله لايبلانا ويستر علينا
وعلى بنات وشباب المسلمين ويحمينا بحمايتو ..


أنتظر أرائكم

! My Pen

مصايب بعض الامهات سلبيه على البنت او الولد
ومفروض يقولو الصراحه
ويكونو واضحين بكل شي
لانها شراكه حياه مو بسيطه

الود لك

ستر الله على بناتنا وشبابنا

والله يهدي الجميع
ويرزق الجميع بسعاده وزواج صالح

كل التقدير

بدايه مرحبا غاليتي
اود ان اقول هذا ليس بـ غفله من الامهات انما
هو مدح باطل وكاذب لترغيب الفتاة بالزواج من
ذالك الشاب او العكس
وينتهي عادة ب الطلاق وارى انه الحل المناسب ل كلا الطرفين
ومافيه شي اصبري يمكن الله يهديه من وجهة نظري وليش اصبر وانا اخذته مخدوعه

اخيرا

اشكرك شكر جزيل نقاش ب قمة الجمال ونقاش هادف

ها ذا من الا وعي والتخلف
الموجود عندنا في مجتمعاتنا
حب التدخل بطريقه سخيفه
تسبب الكوارث التي لا يحمد عقباهاا
وتسلم يدك قلبي هموسه علي ها الطرح الراقيي
وتقريبن بها ردود كانت جميله بس المنتدي الما طاح
حذف كل الصفحات المكتوبه
والحمد الله علي كل حال
للاوحك عبق الياسمين يا يسمينه

مدري شنو اسميها هل هو مدح او خداع
لكن اسال الله السلامه

يعطيكم العافيه على اطلالتكم الحيلوآ
الله يسعدكم دوم يارب ..