بسم الله الرحمن الرحيم
مشرفينا، أخواني ، أخواتي
السلام عليكم ورحمة الله وبركاته
@مرحباً بكم جميعاً@
حوش البقره أعزكم الله أو ما نسميه بالقوع كان من الضروريات بالبيت القديم للمنفعه من كل ما يحط بهالقوع او الحوش..
معروف ان اهم شي البقره بعضهم ارانب دجاج وأحيانً عنز وعنقانها مدري ليه دايم ماتجي لحالها لازم معها وفد مصاحب
بواحد من البيوت عندهم اربع بقرات ليييييييه؟؟ مدري، ،وكانو حريصين على النظافه والحلب والعلف اللي ريحه يهفهف على خشم البقره من خضاره ..
البيت هذا ماعندهم إلا ثلاث أولاد ولكل واحد دور بالتنظيف والام عليها الحلب والباقي من العمل..
العيال كانو مطيعين إلا واحد بعمر 16 سنه ما ينظف إلا بشق الانفس وعقب ما يشبع لف ودوران بالشارع..
كل يوم هو وامه نقري على التنظيف همن يحلف مية يمين انه لين جا عقب المغرب زين كل اللي يبون بس تتركه يطلع ،،
وقبل يطلع يلبس (أكرمكم الله) الجزمه ام كعب والكبك اللي يجي طقم هو والأزره ،،ولا ينسى القلم الذهبي اللي مافيه حبر يحط بالمخبا اللي بالصدر همن يلمع مع سطع الشمس تقل بيرق وهو ما حولك أحد،،ويختمه بالطاقيه الذهبيه ام هلل والشماغ اللي تقل واطيه لوري منمسط ..
يطلع ويجتمع هو واصدقاه ويروحون لم سوق الثميري..
سوق الثميري بذاك الوقت كان سوق جميل وحي او مايسمى بسوق الطبقه المخمليه ..
همن يترززون بكل عاير شوي هو واصدقاه وشوفونا ألين يذن المغرب همن كل واحد ينكس على بيته مثل ما جا ..
الولد كان يتمنى بيوم من الايام احد يناظره او يقوله اي شي يرضي غروره وأخيراً تحقق الحلم وشاف كومة حريم مقبلين عليهم وأخيراً أفرجه الله وبيسمع الكلام السنع يوم قربو وبرق
ولين هذي أمه وحريم الجيران
قالت:
عليوي ؟؟؟الله يعل عدوك
يومنك تمخطر فيذا وتاركن حوش البقر ما خميته ليه علمني؟؟
وكانت آخر وقفه لعليوي بعاير الثميري..
لكم مني أجمل تحيه وتقدير
العرض المتطور
