رد على شاعر مجهول اسا لرمز من رموز شمر

معرض الوسام · 11-14-2013, 10:44 AM

بسم الله الرحمن الرحيم
الشاعر\ مشعل عسام التريباني الشمري
هذه الايام انتشرت ابيات لشاعر مجهول يستهزئ بقصيدة الشاعر\دغيم الظلماوي يقول هذا الشاعر المجهول ((ياكليب طف النار ياكليب طفه = والبيت الثاني ماقدراقوله احتراما لكم فهو والله يستحي الشريف ان يقولهة وردو عليه شعرى من خارج قبيلة شمر كلهم هزاؤه وسخرو منه من هم الشاعر نواف السبيعي والشاعر الثاني لم يذكر اسمه ونحن نشكر الشعرى نواف السبيعي والشاعر الثاني على هذه الغيره على رموز القبائل ونقول كثر الله من امثالكم ولاهي غريبه منكم الوفاء
((ردا على الشاعر\ المجهول الذي اسا لرمزن من رموزشمر))

يكرم دغيم عـــن كلام المســفـّه (1) ناسن ســــوادوجيهها مكتسيها

ياهيه هـــرجك داخل الجيب لفه (2) خل المراجل ويش مشغلك فيها

خذمن خبيث الزاد بالكاس شفه (3) واترك علوم الطيب للـــي يبيها

الطيب مهـــو بس حكين تصفـّه (4) تخسا عن الطولات ماتحــتويها

شـرواك ننتف شــــاربه مانحفـّه (5) ورموزنا نقصــــر يدك ماتجيها

دغــيم اللـــي يبذل الجــــود كفـّه (6) رمزالشهامه والكـرم يا السفيها

كم مــرتن ياخذ مــن الهيل ضفه (7) بدلال لاكــــــرام اللحـا محتسيها

بدلال ماعنهــن ســـنا النار طفـّه (8) دايم علــى جمرالغضا يحتضيها

بيضــن مغاتيرن علــى النارصفه (9) والليف وســـط حلـوقه محتميها

بحرالكـــرم يومـــــن الابيارجفه (10) يوم الرسوس تضيع اللي يجيها

والاانت يالخـبل الخبيث المـــرفه(11) تموت والطـــولات مـــافزت فيها

خلك مع امك فــــي محنه وعفه (12) تحط بفمك لقمتن مــــــــن يديها

والصبح خذلك مع هلا الحي لفه(13) اركب على الددسن وفحط عليها

وياقدمولك كبســـــة الظهر رفه (14) وناد الحنونه قل يدي غسّــــليها

وش لك بناسن مـن قديمن توفه (15) وافعالهم مـــاكل رجلن قـــــويها

منلا قدرجنـــــــي العنب قال تفـّه (16) ومنلايعـــــرف النادره يشتويها

الموضوع الأصلي: رد على شاعر مجهول اسا لرمز من رموز شمر || الكاتب: مشعل التريباني || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

معرض الوسام · 11-14-2013, 10:51 AM

صح لساانك شاعرنا الكريم
قصيدة شامخه وجزله
وهذا قلمك المبدع لله درك

معرض الوسام · 11-14-2013, 06:30 PM

صح لساانك أخويااا على الرد

وبارك الله فيكك

ولله درك

معرض الوسام · 11-15-2013, 04:04 AM

يسلم منطوقك شاعرنا على دي الابيات
الجميله ، ربي يسعدك دوم ،

11-15-2013, 02:54 PM

شمر بكفه والقبائل بكفه****ولا اضن به كفه يترجح عليها
ومن سبها من قل عقله وخفه****يحسبه يرقى القمه اويعتليها
يبا يدحدر هالخبل من مطفه****واهل الخطاءشيطانها مبتليها
من سب شمر محد واقف بصفه****والشمري له كلمةً يحتميها
[/poem][/QUOTE]

معرض الوسام · 11-15-2013, 03:32 PM

صح لسآنك مدد على الرد الرآئع
والأبيآت الجزله والشآمخه
سلمت يمنآك ولآهنت ,,,

معرض الوسام · 11-15-2013, 06:06 PM

شكرا للجميع على المروروالاطرى الله لايهينكم جميعا
وشكر خاص للاخ صافي النوايا على هذه الابيات الرائعه
ونقول لك الله لايهينك على هذا لتفاعل تحياتي لشخصك الكريم