الشــــاعر الذي حضر زفاف حبيبته.....

قصيــــده ...

قمه في الألم...في الـــوداع...

الأمـــــل ....


اتـــــرككم مع القصيده

أتمنـــــى ان تعجبكم...








[grade="00008B FF6347 008000 4B0082"]أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك الصـك بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويـش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رْقبْتـي[/grade]


ملحوظه / ملطوووووش

المواضيع المتشابهه:

• منتدى ضفاف حره | مشاركات: 2">حقيقة العمر الذي يعيشه الإنسان
• منتدى الـحِـوار والنِقـَاش | مشاركات: 4">" مدعي الثقافة "
• منتدى حرف من مُزنْ السمآْء | مشاركات: 5">«أنت الجزء الذي كنتُ الأكثر حبًا له!»

الموضوع الأصلي: الشــــاعر الذي حضر زفاف حبيبته..... || الكاتب: بقايا حلم || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

قصيده حزينه
وتقطع القلب
الله يعينه الشاعر على بعد حبيبته

بقايا حلم

تسلمين على النقل وعلى القصيده الرائع

تحياتي
حمامة السلام

هلاااا بك حمامتنا الغاليه الف شكر لمرورك ..

قــصــيده رائعه جدا جدا

وهذاا الحــب ومايسوي فــيـــه

صح قلبك وذوووقك اختي على الاختيااار الرائــع

وهذاا تثبيت لــكــ

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

قصيده تبكي حتى الحجر وربي
يا الله
ولكن بعد هذه القصيده
كيف يقبل فيها زوجها
وكيف هي تكون سعيده
معه ؟!!!!!

اشكرك بقايا حلم

بقايا حلم

كلمات ٌ معبرة ورائعة

صح لسانك على نقلها هنا,

ودمت ِ بخير

عويشق
جبلاوي
وصا11يف

مرور يزيدني شرف الف شكر لكم ..

بقايا حلم

تسلمين على النقل وعلى القصيده صراحه
تهز المشاعر
والاحاسيس
لحزنها

اشكرك مره ثانيه

هلاا بك ولد القصيد الف شكر لمرورك الغالي ..

بقايا حلم
ليتي ماقريتها
مشكووره

اااااااااااااه والف اااااااااااه

مشكوره بقايا حلم

اه ثم اه ثم اه

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

يعطيك العافيه اختى بقايا حلم على هالنقل الاكثر من رائع مع العلم قلبتى علينا المواجع لكن يله يعطيك الف عافيه

هههههههههه سلااامتكم والله ..

يوسف العلي
أحبك وبس
رعشة خفوق

الف شكر لمروركم الطيب الله يسعد قلوبكم يارب ..