ياجامع الاموال وعيالك جياع

الشاعر\ مشعل عسام التريباني الشمري

((ياجامع الاموال في 3\6\1433هـ))
ابيات َمن الارشيف القديم هديه لكل بخيل

[poem=font="simplified arabic,7,white,bold,normal" bkcolor="indigo" bkimage="" border="double,9,indigo" type=2 line=0 align=center use=ex num="0,black""] ياجامـع الامــوال وعيـالـك جـيـاع=انفق تـرا الدنيـا مـدى حبلـه قصيـر

جمعتهـا ماخـذت منهـا ربــع صــاع=كالنمـلـة الـلـي كــل جمـعـه للبعـيـر

انتـه علـى جمعـه شديـد الانـدفـاع=وهي عند ربك ماسوت حبـة شعيـر

الله خـلــق دنـيــاه للـعـالـم مـتــاع=والا تـراهـا مـاسـوت شــيٍ يـسـيـر

الـمـال مـابـه للفـتـى طـولــة ذراع=ياصـار خيـره ماوصـل كـف الفقيـر

انفق على نفسك ولاتخشـا الضيـاع=واعلـم تـرا ربـك علـى رزقـك قديـر

وزك وتصدّق واعط قدر المستطاع=واركـب مـدام الله معطيـك الكثيـر

والبس وكل واسكن بمسكانٍ وساع=وفرشتك غيرهـا مـن الـزل الشهيـر

ورعيّـتـك خـلـك عليـهـا خـيــر راع=ارحم صغيره واحتـرم منهـا الكبيـر

ابذل قبل موتـك ووقـت الانقطـاع=عـن عالـم الدنيـا وتسكـن دار غـيـر

بالاخـره مــا شـلـت منـهـا الا ذراع=ولايصحبك فيهـا صديـق ولاشويـر

اقرب قريب ابنك اليا حـان الـوداع=مــازوّدك مثـقـال ذره لـــو يـطـيـر

حطوك في حفره تجـي مقـدار بـاع=يحضربهـا منكـر ويحضـربـه نكـيـر

عرفت قيمة مالك اللـي قلـت ضـاع=يدفيـك بذلـك عـن تجـمّـد زمهـريـر

وسفينة الصدقه يساعدها الشـراع=وظل السخا به تستظل عن الهجيـر

ياجـامـع الدنـيـا تــر الدنـيـا مـتـاع=وهي عند ربك ماسوت قيـد البعيـر

لوكانـت الدنـيـا بـهـا خـيـر ورفــاع=ماكـان للكافـر بـهـا مـوضـع سـريـر

ولو كانت الدنيـا تـدوم بـلا انفـطاع=مـامـات راعيـهـا ولاعــاش الفقـيـر

ولاياخذ العصفور من عيش السباع=اصـلا ولا حتـى قـدر يــرد الغـديـر

بس استمع لي زين واصغ الاستماع=واعلم ترا الصدقات تاقـاك السعيـر[/poem]

الموضوع الأصلي: ياجامع الاموال وعيالك جياع || الكاتب: مشعل التريباني || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

المال زينة الحياة الدنيا
قال الشاعر
بالعلم والمال يبني الناس مجدهُمُ
لم يُبنٓ مجدٌ على جهلٍ واقلالِ
البخل ماهو زين أما التصرف السليم في المال فهو المطلوب
قصيدة جزلةو معاني قيمة
شكرا لك بحجم السماء

اناقلت هديه لكل بخيل
ولم اقول لكل ذومال
اماالتصرف الحسن فلاباس
لكن تجمع وترص بالبنك واهلك
تقصرعليهم ونفسك تقصرعليها
الملبس شين والمسكن شين والمركب شين منهوله تجمع للورثه
هذا الكلام

هذا يسمى محروم وبخيل

صح لسااااااااانك مشعل كفو

صح لسانك وعلا شانك

هلابك يابوعبدالرحمن وصح لسانك

تم التنســيق.

صح لسانك قصيده حكيمه شكرا لك

بيض الله وجهك الشاعر مشعل قصيده تعانق الغيوم

مشعل التريباني ..... تسلم وصح الله لسانك ولاهنت

قصيده جداً رائعه

يعطيك الله العافيه .. شكرا لك

اخواني الكرام
اخواتي الفاضلات
صحت ابدانكم جميعا على المرور والاطرى لاهنتوجميعا