وش نظرت البنات لزوج المستقبل...
هذا استفتاء عجبني وحبيت انقله لكم
الاستطلاع هذا شمل مجموعه من بنات جامعه الملك سعود بالرياض عن مواصفات زوج المستقبل .. وكانت اغلبيه الاراء بهذ الشكل :
ممنوع تعليق التماسيح ( ضفو وجيهكم )
1) يقدر المرأه ويحترمها
2) ما يكون من النوع الكذاب .. ما نبي لا ابيض ولا رمادي ولا ألوان
قزح أنواع الكذب ممنوعة
3) يكون صررررريح وعفوي ( يعني مايلف ويدور )
4) رومانسسسسسسسسسسسسسي ( حطو تحتها خط احمر )
5) يحبها لشخصيتها ( مهب علشان قريشاتها )
6) ملتزم .. بس بدون تشدد .. يعني يصلي ويصوم ( بدون تعليق )
7) مثقف .. بس بدون فلسفه زاااااايده ( ماداني = ماواطن = ماحب
الي يتفلسفون ) وهم من جنبها ههههههههههههه
8) يحب السفر مع العائلة ( زوجته بس ) شباب لااااااااااااااااااااا
9) أنيق .... مقبول الشكل .. ( بصراحة الاناقة عندي مهمه ) اهم شيء مايلبس ثوب النوم ويقوم يطامر بالشوارع ويتقضى وهو لابسه بصرحه يفشل شكله
10) حالته المادية مرتفعه .. ( وارث ورث كبير ).. ولد عز .. وظيفته محترمه ( يعني كم راتبك ).. ( هاذي بالنسبه لي غير مهمه لان الفلوس مهيب كل شيء بالحياة ( ولو انهم يقولون اذا دخل الفقر مع الباب خرج الحب من الشباك ) انا شخصيا غير مقتنعه بذا النظرية <<< ودها تعرس وبس
11) له حضور .. يعني مهب جالس مع الناس ولا كأنه معهم ( يعني مايكون امعه ( معهم معهم .. عليهم عليهم ههههههههههه ولا على قولتهم مع الخيل ياشقراء ( وش المقصود بشقراء ( ديرتها ) ولا البنت الشقراء ترى السمراء املح دخلة غلط بس مايخالف تحملوني
12) يحب القعدة بالبيت .. ( عاد هاذي صعبه مابيه يقابلني 24 ساعه
12) ما يحب التليفزيون وقنواته المفضلة السودان واليمن ههههههه ( القنوات اللبنانيه كلها ملغيه ومشفرة ( نفتك من المقارنات )
14)ما يكون بخييييل .. أعوذ بالله الريال يصيح بجيبه ما يطلع ( >>> مبذره )
15) متحضر .. ( مادري وش المقصود فيها ( انا اشهد ان البدو حلوين حلوين
16) ما يحب السهر مع الشباب بالاستراحات ولا غيره ( الا بالويكند )
17) شخصيته قويه برا البيت فقط ( في البيت يكون اليف )
18) يكون عنده سكن مستقل تمامااا عن عائلته ( اريح من المشاكل وتماعط الكشش مع خواته
19) قلبه طييييييييييييييييييييييب ..( بس مهب اهبل )
20) يساعد في أمور المنزل ..( يعرف يصلح شكشوكه ) ويكوي هدومه
21) ما عنده أصدقاء واجدين عشان ما يكون 24 ساعة برا البيت ( بعض الاصدقاء دبلت كبد كل يوم والثاني وهو مرتز عند الباب )
22) يكون جسمه رياضي .. ما نبي كروش ( ياشينهم اصحاب الكروش)
23) ما يكون من أنصار الحاج متولي ( هاذي عاد مرفوضه جملة وتفصيلا
24) ولد عائله طيبه ومعروفه
وسلامتكم
وصدق من قال .... الناس اذواق
والاختلاف في الراي لايفسد للود قضية
في انتظار تفاعلاتكم ومشاركاتكم
وابداء رايكم في زوج المستقبل
ادلو بارائكم ونحن في انتظارها لايجاد الحلول المناسبه لها ( ومكافحة العنوسة )
العرض المتطور
