[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وش حيلتي ياحمود في هاجس الليل=لانام منهو من غثى البال خالي
ياما شربت من المغثه فناجيل=وياما سهرت من المغثه ليالي
تلطم هواجيس الحشى كنها السيل=مزنه تراكم مثل رووس الجبالي
واوجس بصدري مثل حس المحاحيل=تجذب دلاء بيرن بعيد المدالي
في لاهب الجوزاء عدام الرجاجيل=سمومها ينجض جنوب الجمالي
الزول ماتدنيه شهب الدرابيل=والكبد يصلاها من البعد صالي
ياعزوتي ياما بكبدي من الويل=وياويل من مثلي فقد شوف غالي
بيني وبين الزين مايجدع الحيل=مهالكن تجدع صعول الرجالي
ودونه سباعن باللقاء تتعب الخيل=اهل البنادق ميــتـمـين العيالي
ام العيون الداعجات المكاحيل=كنك تشوف لرمش عينه ظلالي
في وصف علياء بالخرز والمحابيل=اللي رمت بالرمش ولد الهلالي
تطري على قلبي هروج وتعاليل=راحت مثل غيمن تتالى وزالي
ماذقت من زرع المحبه محاصيل=وياليتني مع جملة الناس سالي
اشكي لربعي متعبين المعاميل=وكل(ن) يقول الصبر ياهملالي[/poem]
العرض المتطور
